.jpg)
បន្ទាប់ពីបែកគ្នាអស់រយៈពេលប្រមាណជា ១៣០ឆ្នាំ រូបបដិមាព្រះហរិហរៈ ត្រូវបានតភ្ជាប់គ្នាឡើងវិញហើយ កាលពីព្រឹកថ្ងៃទី២១ ខែមករា ឆ្នាំ២០១៦ ក្រោយពីត្រូវបានចោរលួចកាត់យកព្រះព្រះសិរសានោះចេញយកទៅលក់នៅក្រៅប្រទេស។ កាលពីមុនព្រះ សិរសានេះ ត្រូវបានតម្កល់ទុកនៅសារមន្ទីរជាតិសិល្បៈអាស៊ីហ្គីមេ ប្រទេសបារាំង បន្សល់តែព្រះកាយរក្សានៅកម្ពុជា។ ចំពោះពិធីតភ្ជាប់នេះត្រូវបានរៀបចំឡើងដោយផ្អែកលើកិច្ចព្រមព្រៀងដែលបានចុះហត្ថលេខាកាលចុងឆ្នាំ ២០១៥កន្លងទៅនេះនៅឯទីក្រុងប៉ារីស ស្ដីពីការប្ដូរបញ្ញើវត្ថុសិល្បៈ រវាងសារមន្ទីររជាតិសិល្បៈបារាំងជាមួយនឹងសារមន្ទីរជាតិកម្ពុជា។ បានន័យថាកម្ពុជាត្រូវផ្ដល់ឲ្យទៅបារាំងវិញនូវជើងទម្ររបដិមាព្រះនាងឧមារាំ ដើម្បីបំពេញជាមួយនឹងរូបបដិមានោះដែលរក្សាទុកនៅប្រទេសបារាំងដដែល។
