.jpg)
កើតនៅក្នុងឆ្នាំ១៩៥៦ ក្នុងរាជធានីភ្នំពេញ និងសិក្សារៀនសូត្រនៅរាជធានីភ្នំពេញ ក្នុងរបបសង្គមរាស្ដ្រនិយមរបស់អតីតព្រះមហាក្សត្រ ព្រះនរោត្តម សីហនុ និងរបបសាធារណរដ្ឋរបស់លោកសេនាប្រមុខ លន់ នល់។ ឪពុកម្ដាយរបស់លោកជាអ្នកស្រុកក្រូចឆ្មារ ខេត្តកំពង់ចាម។ វត្តមាននៃរបបអាវខ្មៅ ប៉ុល ពត នៅថ្ងៃទី ១៧ ខែមេសា ឆ្នាំ ១៩៧៥ បណ្ដាលឲ្យនិស្សិតខ្មែររាប់ពាន់នាក់មិនអាចបញ្ចប់វគ្គឧត្តមសិក្សាផ្នែកវិជ្ជាជីវៈធនាគារ និងហិរញ្ញវត្ថុរបស់ខ្លួនតាមបំណងប្រាថ្នាឡើយ ក្នុងនោះក៏មាននិស្សិត ប៊ុន យីន ម្នាក់ផងដែរ ដែលអភ័ព្វមិនបានរៀនសូត្រខ្ពង់ខ្ពស់ដូចយុវនិស្សិតក្នុងសម័យនេះ។
