.jpg)
ព្រះវិហារៈ ប្រាសាទបាកាន ឬ ប្រាសាទព្រះខ័នកំពង់ស្វាយ មានទីតាំងនៅក្នុងភូមិបាកាន ឃុំរណសិរ្ស ស្រុកសង្គមថ្មី ខេត្តព្រះវិហារមានចម្ងាយប្រហែលជា ១០៥ គីឡូម៉ែត្រពីក្រុងព្រះវិហារ ឬក៏អាចចូលតាមផ្លូវក្រួសក្រហមចំពីមុខសាលាស្រុកប្រាសាទបល្ល័ង្ក ខេត្តកំពង់ធំ បែកចេញពីផ្លូវជាតិលេខ ៦ ចម្ងាយ ៧៥ គីឡូម៉ែត្រ ខណៈប្រាសាទនេះ ស្ថិតនៅខាងកើតតំបន់អង្គរគឺ មានចម្ងាយ ១០០ គីឡូម៉ែត្រ។ បើទោះបីនាពេលបច្ចុប្បន្ននេះផ្លូវឆ្ពោះទៅតំបន់រមណីយដ្ឋានប្រាសាទបុរាណ ដែលមានសភាពស្រួលបួលគ្រាន់បើ អាចឲ្យរថយន្តគ្រប់ប្រភេទបើកចូលទៅដល់បានក្តី ក៏គេកម្រឃើញមានក្រុមទេសចរក្នុងស្រុកពីចម្ងាយបានមកទស្សនា ឬស្គាល់ទីប្រាសាទ ដែលមានទំហំធំធេងកណ្តាលព្រៃស្ទើរដួលរលំអស់នេះទេ។
