សហគមន៍ចំនួន ៨ មានមន្ទិលចំពោះផលប៉ះពាល់អំពីគម្រោងស្ដារឡើងវិញផ្លូវដែក និងការសាងសង់ស្ពានអាកាសល្បឿនលឿន។ ពួកគាត់បានមកប្រមូលផ្ដុំគ្នានៅមុខក្រសួងសាធារណការ និងដឹកជញ្ជូន ក្នុងគោលបំណងទទូចឲ្យមានការរៀបចំនូវវេទិកាសាធារណៈ បំភ្លឺដល់ប្រជាពលរដ្ឋដែលអាចនឹងរងផលប៉ះពាល់ ដើម្បីបង្កលក្ខណៈដល់ពួកគាត់ត្រៀមខ្លួនសម្រាប់គម្រោងអភិវឌ្ឍន៍នេះ។ ការតវ៉ានេះបានធ្វើឡើងកាលពីព្រឹកថ្ងៃទី១១ ខែមករា ម្សិលមិញនេះ ដោយមានប្រជាជនចូលរួមសរុបប្រមាណ ១៥០នាក់។