មនុស្សរាប់ម៉ឺនអ្នកបានចូលទស្សនាភាពយន្តចម្រុះ ខ្មែរ បរទេស ប្រមាណ ៨០រឿង ក្នុងរោងកុន និងមហោស្រពចំនួន ៨ ទូទាំងរាជធានីភ្នំពេញ។ ចំនួនកុនខ្មែរកើនពី ៣០ ភាគរយ ដែលបានបញ្ចាំងកាលពី២ ឆ្នាំមុន ឡើងដល់ ៥០ ភាគរយនៅឆ្នាំនេះ ដែលធ្វើឲ្យអ្នកជំនាញក្នុងវិស័យនេះផ្តល់សុទិដ្ឋិនិយមសម្រាប់អនាគតកុនខ្មែរ។ ស្នាដៃភាពយន្តខ្មែរទាំងនេះបានទទួលភាពស្ងប់ស្ងែង និងទាក់ទាញយុវវ័យយ៉ាងកុះករ។