ភ្នំពេញៈ មេឃុំគណបក្សប្រឆាំង លោក ស៊ាង ចែត បន្ទាប់ពីត្រូវបានដោះលែងពីពន្ធនាគារកាលពីម្សិលមិញបានជំរុញឲ្យមេដឹកនាំគណបក្សកាន់អំណាច និងគណបក្សប្រឆាំង ធ្វើការងារជាមួយគ្នាដើម្បីស្វែងរកដំណោះស្រាយនយោបាយសម្រាប់ប្រទេសជាតិ។ ដោយចេញពីពន្ធនាគារព្រៃ ស កាលពីម្សិលមិញ ដែលត្រូវបានស្វាគមន៍ដោយប្រធានស្តីទីនៃគណបក្សសង្គ្រោះជាតិ លោក កឹម សុខា លោក ស៊ាង ចែត មេឃុំស្រក នៃស្រុកកំពង់សៀមខេត្តកំពង់ចាមបានប្រាប់ភ្នំពេញប៉ុស្តិ៍ថា លោកត្រូវបានដោះលែងដោយសារមានការសម្រុះសម្រួលនយោបាយ នៅក្នុងការចរចារវាងគណបក្សប្រជាជននិងគណបក្សសង្គ្រោះជាតិ។