ភ្នំពេញៈ ថ្មីៗនេះដោយសារតែជនជាតិខ្មែរកាន់តែច្រើនមានលទ្ធភាពចេញទៅក្រៅប្រទេសនាំឲ្យរដ្ឋាភិបាលតៃវ៉ាន់ ចង់ឃើញប្រជាជនខ្មែរទៅលេងកោះតៃវ៉ាន់កាន់តែច្រើនជាងមុនទៀត។ ការលើកឡើងនេះធ្វើឡើងបន្ទាប់ពីក្រុមហ៊ុនអាកាសចរណ៍មួយរបស់ប្រទេសកម្ពុជាបានភ្ជាប់ការហោះហើរដោយផ្ទាល់ពីទីក្រុងភ្នំពេញ ទៅកាន់ទីក្រុងកៅស៊ុងជាទីក្រុងធំលំដាប់ទីពីររបស់កោះនេះ។