.jpg)
នៅថ្ងៃទី ១៧ខែឧសភា នេះ ផ្ទះមេត្តា នឹងបើកសម្ភោធកម្មវិធី សប្តាហ៍មោទនៈភាព នៃអ្នកស្រលាញ់ភេទដូចគ្នា។ កម្មវិធីនេះនឹងប្រព្រឹត្តិទៅចាប់តាំងពីថ្ងៃទី ១៧ ដល់ថ្ងៃទី២២ ខែឧសភា ឆ្នាំ២០១៦ ដោយមានការចាប់បញ្ចាំងភាពយន្តឯកសារនានាក្នុងតំបន់អំពីបញ្ហាប្រឈមរបស់ពួកគេ ក៏ដូចជាការតាំងបង្ហាញសិល្បៈចម្រុះដើម្បីលើកស្ទួយការយល់ដឹងអំពីសិទ្ធសេរីភាព និងភាពធម្មជាតិរបស់ក្តីស្រលាញ់ដែលបានកំណត់ថាខុសប្រក្រតីដោយសង្គមបង្កឲ្យមានការរើសអើងដល់អ្នកដែលស្រលាញ់ភេទដូចគ្នា។ អ្នកស្រី សៅ សុភ័ក្ត្រ អ្នកដឹកនាំឆ្នៃប្រឌិតរបស់ផ្ទះមេត្តា បានឲ្យដឹងថាការបង្ហាញការគាំទ្រទៅលើព្រឹត្តិការណ៍នេះពីផ្ទះមេត្តាគឺមានសារៈសំខាន់ណាស់សម្រាប់អ្នកស្រលាញ់ភេទដូចគ្នា ដើម្បីឲ្យពួកគាត់មានឪកាសបង្ហាញមតិរបស់ពួកគេទៅកាន់សាធារណៈជន។
