.jpg)
ស្ថានការណ៍វិវត្ដន៍ចុងក្រោយនៃការមកដល់របស់លោក សម រង្សី ជាការមកបញ្ចប់ការជាប់គាំង ឫជាការមកប្រឈមមុខគ្នាជាហិង្សាបន្តទៀតហាក់ស្ថិតនៅលើដៃរបស់គណបក្សកាន់អំណាចដែលត្រូវបានចោទដោយគណបក្សប្រឆាំងថាគ្មានឆន្ទៈក្នុងការចរចា និងជាអ្នកបង្ករឲ្យមានអំពើហិង្សា។
នេះមិនរាប់ជាលើកទីមួយទេ ដែលអ្នកនយោបាយនៅកម្ពុជាតែងគេចវេសមិនទទួលខុសត្រូវចំពោះអំពើខុសឆ្គងដល់កម្ពុជា ដើម្បីកេងចំណេញនយោបាយរៀងៗខ្លួន។ នៅអំឡុងពេលនៃការមកដល់របស់លោក សម រង្សី លើកនេះ លោកក៏បានគំរាមឲ្យគណបក្សប្រជាជនកម្ពុជាត្រឡប់មកតុចរចាវិញចាប់ពីថ្ងៃច័ន្ទនេះតទៅដើម្បីបញ្ចប់ការជាប់គាំងនយោបាយមុនពេលថ្ងៃទី២៨ខែកក្កដាដើម្បីបញ្ជៀសអំពើហិង្សាដែលនឹងអាចកើតមានក្រោយពីអស់ការអត់ធ្មត់របស់គណបក្សលោក។
យ៉ាងណាមិញ លោកស្រី ជា វណ្ណាត អ្នកវិភាគឯករាជ្យស្នើឲ្យគណបក្សទាំងពីរជាពិសេស គណបក្សកាន់អំណាចបញ្ចប់អំពើហិង្សាត្រឹមនេះ រួចងាករកតុចរចាដោយបញ្ញា ហើយគណបក្សទាំងពីរគួររកឲ្យឃើញកំហុសរៀងៗខ្លួនដើម្បីផលប្រយោជន៍ជាតិ និងបើកទំព័រប្រវត្តិសាស្ត្រសម្រាប់ប្រជាជនកម្ពុជាទាំងមូល។
