.jpg)
យប់ថ្ងៃទី២២ ខែសីហា ឆ្នាំ២០១៦ វេលាម៉ោង ៨ និង ៣០នាទី សកម្មជនដីធ្លីបឹងកក់អ្នកស្រី បូវ សោភា ត្រូវបានតុលាការសម្រេចដោះលែង ពីពន្ធនាគារព្រៃសរបន្ទាប់ពីត្រូវបានឃុំខ្លួន៦ថ្ងៃ និងពិន័យជាប្រាក់ ៨ម៉ឺនរៀល ពីបទប្រមាថតាមមាត្រា ៥០២ នៃក្រមព្រហ្មទណ្ឌ ដោយកែប្រែខុសពីបទចោទចាស់។ ប៉ុន្តែទោះជាយ៉ាងណាអ្នកស្រី ទេព វន្នី នៅមិនទាន់ត្រូវបានដោះលែងនៅឡើយទេ ដោយតុលាការបានសម្រេចចោទអ្នកស្រីបន្ថែមទៀតពីបទពាក់ព័ន្ធអំពើហិង្សាកាលពីឆ្នាំ២០១៣ នៅមុខភូមិគ្រឹះនាយករដ្ឋមន្ត្រីហ៊ុនសែន។ លោកស្រី បូវ សោភា ដែលត្រូវបានដោះលែងពីពន្ធនាគារទាំងយប់កាលពីម្សិលមិញ បានប្រាប់ភ្នំពេញប៉ុស្តិ៍ថា លោកស្រីមិនសុខចិត្តនិងការដោះលែងតែម្នាក់ និងបន្តចោទអ្នកស្រី ទេព វន្នី នោះទេ ហើយលោកស្រីនឹងបន្តស្វែងរយនីតិវិធី ដើម្បីទាមទាររកយុត្តិធម៌ឲ្យលោកស្រី ទេព វន្នី វិញ។
