ភ្នំពេញ: ក្រុម Arsenal, Atletico Madrid និង AC Milan នឹងសម្លឹងរកការបំពេញការឈ្នះកៅអីរបស់ពួកគេនៅវគ្គបន្តរៀងៗខ្លួននៅរាត្រីនេះ នៅពេលដែលពួកគេត្រូវធ្វើជាម្ចាស់ផ្ទះក្នុងការប្រកួតក្របខ័ណ្ឌ Europa League វគ្គ ៣២ ក្រុមចុងក្រោយ ជើងទី ២។
Arsenal របស់អង់គ្លេស នឹងធ្វើការប្រកួតជាមួយនឹងក្រុម Ostersunds នាកីឡដ្ឋាន Emirates ទាំងការជឿជាក់ ក្រោយពីបានផ្តួលក្រុមរបស់ស៊ុយអែតមួយនេះ ក្នុងលទ្ធផល ៣-០ ក្នុងការប្រកួតជើងទី ១ កាលពីសប្តាហ៍មុន។
ជ័យជម្នះដ៏ធំមួយនេះ មានន័យថា ក្រុម Arsenal នឹងឈានទៅប្រកួតវគ្គ ១៦ ក្រុមចុងក្រោយនៃយុទ្ធនាការលំដាប់ទី ២ របស់អឺរ៉ុបមួយនេះ ប្រសិនបើពួកគេមិនរងបរាជ័យតាមរយៈការរបូតគ្រាប់បាល់ច្រើនជាង ៣ គ្រាប់ទេនោះ។
ស្របពេលជាមួយគ្នានេះ ក្រុម Atletico Madrid របស់អេស្ប៉ាញ ក៏ត្រូវបានរំពឹងទុកថា នឹងឈានទៅវគ្គបន្តផងដែរ នៅពេលដែលពួកគេធ្វើជាម្ចាស់ផ្ទះទទួលក្រុម FC Copenhagen របស់ដាណឺម៉ាក ក្រោយពីបានយកឈ្នះក្នុងលទ្ធផលដល់ទៅ ៤-១ ក្នុងការប្រកួតកាលពីជើងទី ១។
សម្រាប់ការប្រកួតនៅរាត្រីនេះផងដែរ ក្រុម AC Milan របស់អ៊ីតាលី ក៏អាចនឹងឈ្នះកៅអីទៅវគ្គបន្តយ៉ាងងាយស្រួលផងដែរ ក្រោយពីពួកគេបានផ្តួលក្រុម Ludogorets នៅលើទឹកដីរបស់ប្រទេសប៊ុលហ្គារី ក្នុងលទ្ធផល ៣-០ ក្នុងការប្រកួតកាលពីជើងទី ១៕
កម្មវិធីប្រកួតនៅរាត្រីនេះ
Atl. Madrid v Copenhagen - 1 អាធ្រាត្រ
Dyn. Kiev v AEK-1 អាធ្រាត្រ
Lazio v FCSB - 1អាធ្រាត្រ
Plzen v Partizan-1អាធ្រាត្រ
Leipzig v Napoli-1 អាធ្រាត្រ
Sporting v Astana-1អាធ្រាត្រ
Villarreal v Lyon-1 អាធ្រាត្រ
Zenit v Celtic - 1 អាធ្រាត្រ
AC Milan v Ludogorets - 3:05 ទៀបភ្លឺ
Arsenal v Ostersunds - 3:05 ទៀបភ្លឺ
Atalanta v Dortmund - 3:05 ទៀបភ្លឺ
Bilbao v Spartak Moscow - 3:05 ទៀបភ្លឺ
Braga v Marseille-3:05ទៀបភ្លឺ
Salzburg v Sociedad - 3:05 ទៀបភ្លឺ