.jpg)
លោក Miguel Angel Gil Marin ប្រធានមន្ត្រីប្រតិបត្តិក្លិប Atletico បានអះអាងថា គាត់បានដឹងតាំងពីខែមីនាដែលថា កីឡាករសញ្ជាតិបារាំង Antoine Griezmann នឹងលេងឲ្យក្លិប Barcelona សម្រាប់រដូវកាលក្រោយនេះ។
Griezmann បានបង្ហាញពីបំណងរបស់គាត់ចង់ចាកចេញពីក្លិប Atletico ដើម្បីដកស្រង់បទពិសោធថ្មីទៀតនៅមុនចុងរដូវកាលឆ្នាំ ២០១៨-១៩ ទោះជាគាត់បានចុះកុងត្រាថ្មីកាលពីខែមិថុនាបន្តដល់ឆ្នាំ ២០២៣ ក្នុងតម្លៃខ្លួន ១២០ លានអឺរ៉ូក៏ដោយ។
នៅរដូវកាលនេះ Griezmann មិនបានបង្ហាញសមត្ថភាពអស្ចារ្យសម្រាប់ក្លិប Atletico ទេប៉ុន្តែគាត់រកបាន ១៥ គ្រាប់ក្នុងការប្រកួតលីកចំនួន ៣៧ លើក បើធៀបនឹងរដូវកាល ២០១៧-១៨ គឺធ្លាក់ចុះគួរឲ្យកត់សម្គាល់ ដែលពេលនោះគឺរកបាន ១៩ គ្រាប់ក្នុងចំណោម ៣២ ប្រកួត។
លោក Gil Marin បានប្រាប់ Movistar ថា៖ «ខ្ញុំដឹងពីក្លិបដែល Griezmann នឹងត្រូវទៅលេងគឺនៅក្លិប Barcelona»៕ SN
