.jpg)
ខ្សែប្រយុទ្ធ Gareth Bale ព្យាយាមគ្រប់គ្រងបាល់ ក្នុងកំឡុងការប្រកួតជាមួយ Celta Vigo។ AFP
ក្រុងម៉ា្រឌីដ: កីឡាករ Casemiro និយាយថា ខ្សែប្រយុទ្ធ Gareth Bale ត្រូវបន្តលេងឲ្យក្លិប Real Madrid ខណៈរូបគេបានជួយឲ្យឈ្នះពានមួយចំនួន។ កីឡាករ Bale បានរំឭកគ្រូបង្វឹកលោក Zinedine Zidane ពីអ្វីដែលរូបគាត់បានជួយឲ្យមានទម្រង់លេងល្អនៅពេលក្រុម Madrid នៅពេលបើកយុទ្ធនាការ LaLiga ដោយឈ្នះក្លិប Celta Vigo ៣-១។
ខ្សែប្រយុទ្ធសញ្ជាតិវេលស៍រូបនេះគ្រោងចាកចេញពីក្លិប Madrid ក្រោយពីលោក Zidane បាននិយាយពីខែមុនថា វាកាន់តែប្រសើរ ប្រសិនបើរូបគាត់បានចាកចេញពីក្លិបនេះឆាប់ៗនោះ។
កីឡាកររូបនេះឥឡូវនេះបានបន្តលេងនៅក្លិបនេះ ខណៈខ្សែបម្រើ Casemiro នៅក្លិបនេះបាន សរសើររូបគេក្រោយពីមានជ័យជម្នះពីថ្ងៃសៅរ៍ដោយអះអាងថា៖ «គាត់បានជួយឲ្យយើងឈ្នះពានមួយចំនួនព្រោះគាត់រកបានគ្រាប់បាល់ជាច្រើន និងមានការគោរពពីយើងទាំងអស់គ្នាដូច្នេះហើយគាត់ត្រូវលេងនៅទីនេះបន្តទៀតព្រោះគាត់ជាកីឡាករឆ្នើមម្នាក់ និងសំខាន់បំផុតសម្រាប់យើង»៕ SN
