.jpg)
Khoukhi (ក្រហម) បណ្ដើរបាល់កាត់ខ្សែការពារផារ៉ាហ្គាយក្នុងការប្រកួតកាលពីរាត្រីថ្ងៃអាទិត្យ។ រូប AFP
ទីក្រុងសៅប៉ូឡូៈ កីឡាករ Boualem Khoukhi រកបាន ១ គ្រាប់នៅនាទីចុងក្រោយនៃការប្រកួតដែលបានជួយឲ្យប្រទេសកាតាតាមស្មើនឹងប្រទេសប៉ារ៉ាហ្គាយក្នុងការប្រកួតនៅព្រឹត្តិការណ៍ Copa America កាលពីរាត្រីថ្ងៃអាទិត្យ។
គ្រាន់តែបើកឆាកនៃការប្រកួតនេះភ្លាម ក្រុមជម្រើសជាតិប៉ារ៉ាហ្គាយ ទទួលបានបាល់ពិន័យ ១១ ម៉ែត្រពី កាតា ដែលស៊ុតចូលទីយ៉ាងល្អដោយកីឡាករ Oscar Cardozo នៅនាទីទី ៤ ហើយនៅក្នុងនាទីទី ៥៦ កីឡាករ Derlis Gonzalez បាន ១ គ្រាប់ទៀតធ្វើឲ្យប៉ារ៉ាហ្គាយនាំមុខ ២-០ លុះដល់នាទីទី ៦៨ កីឡាករកាតា Almoez Ali រកបាន ១ គ្រាប់ បន្ទាប់មកគឺកីឡាករ Khoukhi បានបន្ថែម ១ គ្រាប់ចុងក្រោយជួយឲ្យកាតាស្មើនឹងប៉ារ៉ាហ្គាយ ២-២។
គ្រូបង្វឹកសញ្ជាតិអេស្ប៉ាញលោក Felix Sanchez របស់ក្រុមជម្រើសជាតិកាតាបាននិយាយថា៖ «វាជាលទ្ធផលល្អមួយដែលធ្វើឲ្យយើងទទួលបានពិន្ទុក្នុងការប្រកួតនេះ»។
គ្រូបង្វឹករូបនេះបានសរសើរកូនក្រុមរបស់គាត់ចំពោះ «ការនៅតែមានទំនុកចិត្ត» និង «ការបង្ហាញឆន្ទៈក្នុងការដេញតាមនៅក្នុងការប្រកួតនេះរហូតទាល់តែទទួលបានអ្វីមួយវិជ្ជមានបំផុតចំពោះពួកគេ»។
ជ័យជម្នះនេះបានធ្វើឲ្យក្រុមទាំង ២ នេះតាមពីក្រោយ ២ ពិន្ទុនៃក្រុមជម្រើសជាតិកូឡុំប៊ីដែលឈរនៅលើគេនៅពូល B ក្រោយពីពួកគេបានបានឈ្នះក្រុមជម្រើសជាតិអាហ្សង់ទីនរបស់កីឡាករ Messi ២-០ កាលពីរាត្រីថ្ងៃសៅរ៍។
លោក Gozalez បានទទួលស្គាល់ថា៖ «យើងមិនអាចរកបានគ្រាប់បាល់នាំមុខគេមែន ប៉ុន្តែយើងបានបន្សល់ទុករសជាតិជូរចត់មួយ»។
ប្រទេសកាតាដែលទទួលរៀបចំ World Cup នៅឆ្នាំ ២០២២ នោះសឹងតែបាត់បង់ឱកាសក្នុងការតាមយកស្មើនេះទៅហើយ ខណៈនាទីប្រកួតក៏កាន់ខិតជិតដល់ទីបញ្ចប់ដែរនោះ ប៉ុន្តែអ្វីៗបានផ្លាស់ប្ដូរទាំងស្រុងនៅប៉ុន្មាននាទីចុងក្រោយនៃការប្រកួតនេះដោយក្រុមជម្រើសជាតិកាតារកបានគ្រាប់បាល់ជាបន្តបន្ទាប់ធ្វើឲ្យក្រុមជម្រើសជាតិទាំង ២ ស្មើគ្នាវិញ។
គ្រូបង្វឹកសញ្ជាតិអេក្វាទ័រលោក Berizzo របស់ក្រុមជម្រើសជាតិប៉ារ៉ាហ្គាយបាននិយាយជុំវិញការប្រកួតនេះថា៖ «យើងត្រូវសម្លឹងមើលទម្រង់លេងរបស់ខ្សែការពារនៃគូប្រជែងរបស់យើង»។
គ្រូបង្វឹករូបនេះបានបញ្ជាក់ទៀតថា៖ «យើងបានប្រកួតជាមួយគូប្រជែងដែលមានទម្រង់លេងល្អបំផុតមួយធ្វើឲ្យយើងដឹង និងស្គាល់រសជាតិព្រមទាំងទទួលបានបទពិសោធថ្មីទៀត»៕ SN
