.jpg)
កីឡាករវាយកូនបាល់ Novak Djokovic បានពង្រឹងការប្រជែងរបស់គេសម្រាប់តំណែងចំណាត់ថ្នាក់លេខ ១ ក្នុងពិភពលោកជាមួយនឹងជ័យជម្នះក្នុងលទ្ធផល ៧-៥ និង ៦-១ លើកីឡាករ Joao Sousa ក្នុងព្រឹត្តិការណ៍ Paris Masters កាលពីថ្ងៃអង្គារ ស្របពេលដែលកីឡាករ Roger Federer បានប្រកាសថា រូបគេនឹងលេងក្នុងព្រឹត្តិការណ៍នេះជាលើកទី ១ ចាប់តាំងពីឆ្នាំ ២០១៥។
Djokovic អាចដណ្តើមបានចំណាត់ថ្នាក់លេខ ១ ពីកីឡាករ Rafael Nadal នៅសប្តាហ៍នេះ ប្រសិនបើរូបគេធ្វើបានល្អប្រសើរជាងកីឡាករអេស្ប៉ាញរូបនេះ ក្នុងរដ្ឋធានីរបស់បារាំង ខណៈ Djokovic បានឈ្នះក្នុងយុទ្ធនាការនេះ ចំនួន ៤ លើក។
ម្ចាស់ជើងឯកពានរង្វាន់ក្នុងកម្មវិធី Grand Slam ១៤ សម័យកាលរូបនេះ នឹងត្រូវជួបជាមួយនឹងកីឡាកររបស់បូស្នី Damir Dzumhur ក្នុងវគ្គ ១៦ នាក់ចុងក្រោយ៕
