ក្រុងឡុងដ៍ៈ កីឡាករវាយកូនបាល់ (Tennis) Novak Djokovic បានប្ដេជ្ញាចិត្តថា នឹងធ្វើឲ្យអ្នកគាំទ្រយល់ថា រូបគេមិនមែនជាសត្រូវលេខ ១ ជាសាធារណៈទេ ទោះជារូបគាត់បានឈ្នះម្ចាស់ជើងឯក Roger Federer ក្នុងនាមជាម្ចាស់ជើងឯក Grand Slam ដ៏អស្ចារ្យបំផុតគ្រប់ពេលក៏ដោយ។
កីឡាករ Djokovic ដែលជាប់លេខ ១ ក្នុងពិភពលោកបានសន្សំបាន ២ ពិន្ទុដើម្បីឈ្នះពាននៅក្របខ័ណ្ឌ Wimbledon ជាលើកទី ៥ និងពានសំខាន់ជាលើកទី ១៦ កាលពីថ្ងៃអាទិត្យដោយបំផ្លាញបំណងរបស់កីឡាករ Federer ក្នុងការធ្វើជាម្ចាស់ជើងឯក Grand Slam យូរជាងគេបំផុតនៅក្នុងការប្រកួតផ្ដាច់ព្រ័ត្ររយៈពេលយូរបំផុតមិនធ្លាប់មានក្នុងប្រវត្តិសាស្ត្រនៃការប្រកួតវាយកូនបាល់នេះ។
ទោះជាមានការប្រទាញប្រទង់ពិន្ទុគ្នាជាមួយកីឡាករសញ្ជាតិស្វ៊ីស Federer អាយុ ៣៧ ឆ្នាំក៏ពិតមែន ប៉ុន្តែកីឡាករសញ្ជាតិស៊ែប៊ី Djokovic បានឈ្នះ ៣ សិតក្នុងចំណោម ៥ សិតគឺ ៧-៦, ១-៦, ៧-៦, ៤-៦, ១៣-១២។
រយៈពេល ៤ ម៉ោង និង ៥៧ នាទីគឺជាពេលវេលាប្រកួតយូរបំផុតសម្រាប់វគ្គផ្ដាច់ព្រ័ត្រនៃក្របខ័ណ្ឌ Wimbledon និងជាលើកទី ១ មិនធ្លាប់មានក្នុងការប្រកួតបែបនេះ។
កីឡាករ Djokovic គឺជាបុរសទី ១ ក្នុងរយៈពេល ៧១ ឆ្នាំដែលបានឈ្នះពាននេះពីពិន្ទុប្រកួតធ្លាក់ចុះរហូតដល់ឈ្នះ ២ សិតវិញក្នុងការប្រកួតទី ១៦ ក្នុងចំណោមសិតទាំងអស់។
ក្រោយពីទទួលបានជ័យជម្នះពីថ្ងៃអាទិត្យហើយកីឡាករ Djokovic បាននិយាយថា រូបគាត់អាចប្រែក្លាយអ្នកគាំទ្រចំពោះកីឡាករ Federer ចំនួន ១៤០០០ នាក់នៅទីលាន Center Court ឲ្យទៅជាអ្នកគាំទ្រចំពោះរូបគេវិញតាមរយៈការហ្វឹកហាត់ផ្លូវចិត្ត។
កីឡាករ Djokovic អាយុ ៣២ ឆ្នាំបាននិយាយថា៖ «ខ្ញុំចូលចិត្តធ្វើដូច្នេះគឺថា នៅពេលហ្វូងមនុស្សស្រែកគាំទ្រ Federer ខ្ញុំចាត់ទុកជាបានឮ Djokovic វិញ»។
កីឡាកររូបនេះបានបន្ថែមថា៖ «វាស្ដាប់ទៅដូចជាឆ្កួតបន្តិចមែន ប៉ុន្តែការពិតគឺខ្ញុំធ្វើដូច្នេះមែន»។
កីឡាករ Djokovic បានចំណាយពេលច្រើនបំផុតក្នុងអាជីពរបស់គាត់ក្នុងបំណងតាមឲ្យទាន់កីឡាករ Nadal និង Federer និងប៉ុនប៉ងធ្វើឲ្យអ្នកគាំទ្រចាប់អារម្មណ៍ចំពោះលក្ខណៈរបស់រូបគេវិញ។
កីឡាករសញ្ជាតិស៊ែប៊ីរូបនេះបាននិយាយថា៖ «វាពិបាកនឹងធ្វើមិនដឹងមិនឮពីសម្រែករបស់អ្នកគាំទ្រព្រោះយើងឃើញតែពន្លឺអគ្គិសនី និងឮសំឡេងតែប៉ុណ្ណោះ»។
កីឡាករដដែលនេះបានបន្ថែមថា៖ «ជាការពិតប្រសិនបើអ្នកមានអ្នកគាំទ្រច្រើន នោះវានឹងជួយជាកម្លាំងចិត្ត ប៉ុន្តែនៅពេលអ្នកគ្មានអ្នកគាំទ្រ ពេលនោះអ្នកត្រូវស្វែងរកអ្នកគាំទ្រក្នុងខ្លួនរបស់អ្នក»។
តាំងពីការចាប់ផ្ដើមឆ្នាំ ២០១៥ មកកីឡាករ Djokovic បានឈ្នះការប្រកួតសំខាន់ៗចំនួន ៩ លើកក្នុងចំណោម ១៩ លើកក្នុងនោះមានការប្រកួតជាមួយកីឡាករ Nadal ៤ លើក និងជាមួយកីឡាករ Federer ចំនួន ៣ លើកដែរ។
ហើយ ៣ ប្រកួតទៀតគឺជាមួយកីឡាករ Stan Warinka ចំនួន ២ លើក និងជាមួយ Andy Murray ចំនួន ១ លើកដែរ៕ SN