ក្រុងឡុងដ៍៖ ក្រុម Man City បានជោគជ័យក្នុងថ្ងៃបើកឆាក Champions League ដោយឈ្នះក្រុមម្ចាស់ផ្ទះ Shakhtar Donetsk ៣-០ ដើម្បីឈរនៅលេខ ២ នៃពូល C ពីថ្ងៃពុធ។
លោក Pep Guardiola បានប្រាប់ BT Sport ថា៖ «នៅពេលយើងឈ្នះ គឺជាការសម្រេចចិត្តត្រឹមត្រូវរបស់អ្នកចាត់ការ ប៉ុន្តែនៅពេលយើងចាញ់ គឺជាការសម្រេចចិត្តខុស។ យើងចាញ់ ១ ប្រកួតក្នុងរយៈពេល ៨ ខែ ប៉ុន្តែយើងនឹងមិនសង្ស័យកីឡាករទាំងនេះទេ។ ខ្ញុំរីករាយដែលធ្វើជាអ្នកចាត់ការរបស់ពួកគេ»។
ទន្ទឹមនេះដែរ គ្រូបង្វឹកក្រុម Tottenham លោក Mauricio Pochettino ខកចិត្តចំពោះកូនក្រុមខ្លួនដែលបណ្ដោយឲ្យក្រុមផ្ទះម្ចាស់ Olympiakos តាមស្មើ ២-២ ធ្វើឲ្យពួកគេឈរនៅលេខ ៣ នៅក្នុងពូល B។ គ្រូបង្វឹករូបនេះនិយាយថា៖ «វាមិនពាក់ព័ន្ធនឹងបច្ចេកទេស ឬកីឡាករទេ ប៉ុន្តែវាគឺជាត្រៀមខ្លួនដើម្បីប្រកួតឈ្នះ»៕ AFP/SN