ខ្សែប្រយុទ្ធ Kylian Mbappe គឺ «អ្នកពិឃាតអស្ចារ្យ» ម្នាក់នៅចំពោះមុខការស៊ុតបញ្ចូលទី ខណៈកីឡាករ Abdou Diallo បានសរសើរការរីកចម្រើនក្លិប Paris Saint-Germain (PSG)។ កីឡាករ Mbappe មានការរីកចម្រើនច្រើននៅក្លិប PSG តាំងពីរូបគេចេញពីក្លិប Monaco ដោយជួយឲ្យ PSG ឈ្នះពាន Ligue 1 ម្ដងហើយម្ដងទៀត។ Mbappe វ័យ ២០ ឆ្នាំ រកបានគ្រាប់បាល់ ៣៣ គ្រាប់ ពីរដូវកាលមុន និង ៣៩ គ្រាប់ក្នុងការប្រកួតទាំងអស់។
កីឡាករ Diallo បានប្រាប់អ្នកកាសែតថា៖ «គាត់ធំជាងមុនព្រោះពេលយើងស្គាល់គ្នានៅក្លិប Monaco គឺគាត់ក្មេងណាស់»។
កីឡាករ Diallo និយាយពាក់ព័ន្ធនឹងការប្រកួតដែល Mbappe រកបានគ្រាប់បាល់ក្នុងការប្រកួតដែលក្រុម PSG ឈ្នះក្រុម Nimes ៣-០ ពីសប្ដាហ៍មុនថា៖ «ក្នុងការប្រកួតនេះ គាត់គឺជាអ្នកពិឃាតអស្ចារ្យម្នាក់សម្រាប់ក្រុម PSG »៕ SN