.jpg)
ខ្សែការពារប្រេស៊ីល Miranda (ឆ្វេង) ទាត់បាល់ ពីមុខខ្សែបម្រើអន្តរជាតិអាហ្សង់ទីន Giovani Lo Celso។ AFP
អារ៉ាប៊ីសាអ៊ូឌីត: ក្រុមបាល់ទាត់ជម្រើសជាតិប្រេស៊ីល ដណ្តើមបានជ័យជម្នះ ១-០ លើក្រុមជម្រើសជាតិអាហ្សង់ទីន តាមរយៈការតែតបាល់បញ្ចូលទីនៅជិតបញ្ចប់ការប្រកួតពីសំណាក់ខ្សែការពារ Miranda ក្នុងការប្រកួតមិត្តភាពរបស់ពួកគេ ពីមុខអ្នកទស្សនាដ៏ច្រើនកុះករក្នុងទីក្រុង Jeddah ប្រទេសអារ៉ាប៊ីសាអ៊ូឌីត កាលពីថ្ងៃអង្គារ។
ខ្សែការពារកណ្តាលរបស់ក្លិប Inter Milan រូបនេះ បានលោតតែតបាល់តែម្នាក់ឯងនៅនាទី ទី៩៣ ក្រោយពីការបញ្ជូនបាល់ចេញពីជ្រុងរបស់ Neymar នៅពេលដែលការប្រកួតរវាងក្រុមខ្លាំង២ក្នុងតំបន់អាមេរិកខាងត្បូង ហាក់ដូចជាត្រូវបញ្ចប់ក្នុងលទ្ធផលស្មើ ០-០ ទៅហើយ។
គ្រាប់បាល់ឈ្នះនេះ បានកម្ទេចការបង្ហាញពីតំបន់ការពារដ៏រឹងមាំរបស់ក្រុមអាហ្សង់ទីន ដែលបានរារាំងក្រុមប្រេស៊ីល បានយ៉ាងល្អ៕ IS
