.jpg)
Sergio Ramos (ឆ្វេង) របស់ Real ដណ្តើមបាល់ជាមួយ Stephan El Shaarawy របស់ Roma។ AFP
ក្រុងម៉ាឌ្រីដ: រយៈពេលច្រើនជាង ១ ម៉ោង ក្រោយពីសំឡេងកញ្ចែបញ្ចប់ការប្រកួតបានបន្លឺឡើងក្នុងពេល Real Madrid រងបរាជ័យយ៉ាងអាម៉ាស់ ក្នុង លទ្ធផល ៣-០ ក្រោមស្នាដៃ ក្រុម Eibar កាលពីថ្ងៃសៅរ៍ Sergio Ramos បានចាប់ផ្តើមបង្ហាញពីការមិនចុះចាញ់របស់ខ្លួន។
ក្រោយពីបានរងបរាជ័យយ៉ាងខកចិត្តពីមុខអ្នកទស្សនា ៧ ០៨៤ នាក់នាកីឡដ្ឋាន Ipurua ខ្សែការពារ Ramos បាននិយាយថា ទម្រង់លេងរបស់ក្រុមខ្លួនមិនស្ថិតក្នុងកម្រិតល្អឡើយ ដោយខ្វះនូវភាពរឹងមាំរបស់ពួកគេ។ កីឡាកររូបនេះបានឲ្យដឹងថា៖ «នៅពេលដែលអ្នកមិនមានកម្រិតលេងដូចគូប្រកួតរបស់អ្នក អ្នកក្លាយជាក្រុមដែលទន់ខ្សោយ»។
វាមិនមែនជាលទ្ធផលដែលក្រុម Real ចង់បាន នៅមុនពេលពួកគេធ្វើដំណើរទៅកាន់ទឹកដីក្រុម Roma ក្នុងក្របខ័ណ្ឌ Champions League នៅរាត្រីនេះឡើយ ដែលនៅពេលនោះក្រុមម្ចាស់ការពារជើងឯកមួយនេះ អាចនឹងឈ្នះកៅអីទៅវគ្គបន្តតាមរយៈការឈរលេខ ១ ក្នុងពូល G។
បន្ទាប់មក Ramos បានធ្លាក់ចូលក្នុងការចោទប្រកាន់ផ្សេងៗទាក់ទងនឹងការប្រើប្រាស់សារធាតុហាមឃាត់ដែលត្រូវបានចេញផ្សាយកាលពីថ្ងៃសុក្រ ដោយទស្សនាវដ្តី Der Spiegel របស់អាល្លឺម៉ង់។
ការចោទប្រកាន់ ១ ក្នុងចំណោមការចោទប្រកាន់ដ៏គួរឲ្យចាប់អារម្មណ៍បំផុតនោះគឺការចេញផ្សាយថា Ramos ត្រូវបានពិនិត្យឃើញជាវិជ្ជមានសម្រាប់សារធាតុហាមឃាត់ ក្រោយពីការប្រកួតក្របខ័ណ្ឌ Champions League វគ្គផ្តាច់ព្រ័ត្រ កាលពីឆ្នាំ ២០១៧ និងមិនបានប្រកាសពីបញ្ហានោះ តាមការស្នើសុំឲ្យស្របតាមច្បាប់របស់អាជ្ញាធរប្រឆាំងសារធាតុហាមឃាត់ពិភពលោក (WADA)។
ឆ្លើយតបចំពោះបញ្ហានោះជាលើកទី ១ Ramos បាននិយាយថា៖ «អ្នកអាចនិយាយកុហកបានជាច្រើនលើក ប៉ុន្តែ វានៅតែជាការកុហក។ ប្រភេទនៃមនុស្សទាំងនេះ ព្យាយាមបង្ខូចកេរិ៍្តឈ្មោះរបស់ខ្ញុំ និងអាជីពរបស់ខ្ញុំ»។
បញ្ហានេះ អាចនឹងមានការលើកលែង ប៉ុន្តែការនិយាយរិះគន់ផ្សេងៗ និងការត្រៀមខ្លួនឲ្យបានរួចរាល់ បានក្លាយជាផ្នែកមួយដ៏រឹងមាំនៃបុគ្គលិកលក្ខណៈក្នុងកីឡាបាល់ទាត់របស់ Ramos។
កាលពីខែកញ្ញា ខ្សែប្រយុទ្ធ Antoine Griezmann បានធ្លាក់ចូលក្នុងការរិះគន់ នៅពេល Ramos បានប្រើប្រាស់សន្និសីទសារព័ត៌មានមួយសម្រាប់ការប្រកួតក្របខ័ណ្ឌ Champions League ដើម្បីរិះគន់ទៅលើបេក្ខភាពរបស់តារាឆ្នើមអន្តរជាតិបារាំងរូបនេះ សម្រាប់ការប្រជែងពានរង្វាន់បាល់មាស Ballon d''Or។ Ramos បាននិយាយទាំងទឹកមុខមាំថា៖ «ការព្រងើយកន្តើយ គឺការបង្ហាញពីការមានមុខក្រាស់»។
កាលពីពេលថ្មីៗនេះ រូបគេបានធ្វើឲ្យលោក Antonio Conte ចេញពីបេក្ខភាពដ៏មានប្រៀប ក្លាយជាបេក្ខភាពគ្មានក្តីសង្ឃឹមក្នុងការប្រជែងដើម្បីជំនួសកន្លែងរបស់លោក Julen Lopetegui ក្នុងនាមជាគ្រូបង្វឹករបស់ Real។
Ramos បាននិយាយរិះគន់លោក Conte ដែលជាមនុស្សមានភាពតឹងរ៉ឹងលើវិន័យថា៖ «ការគោរពនឹងត្រូវទទួលបាន មិនមែនត្រូវបានផ្តល់ឲ្យឡើយ»។
បើទោះបី Ramos ជាកីឡាករដ៏មានប្រជាប្រិយរបស់ Real ក្រោយពីបានឈ្នះពាន Champions League ៤ លើក ក៏ដូចជាពាន La Liga ៤ លើកផ្សេងទៀតក៏ដោយ ប៉ុន្តែ រូបគេក៏រងនូវការរិះគន់ច្រើនទៅលើការប្រជែងបាល់ដ៏គ្រោះថ្នាក់របស់គេនៅលើទីលានផងដែរ។
Lionel Messi ដឹងពីអារម្មណ៍នោះ។ កាលពីឆ្នាំ ២០១០ Ramos បានឈូសជើងឲ្យរូបគេដួលទៅលើទីលាន ហើយក្នុងឆ្នាំ ២០១៧ បានធ្វើឲ្យគេរងរបួសម្តងទៀត ក្នុងពេល Barca បានវាយសម្រុករហ័ស។
Ramos បានរងពិន័យកាតក្រហមក្នុងការប្រព្រឹត្តកំហុសទាំង ២ លើក៕
