Javier Pastore បានធ្វើការពិភាក្សាផ្សេងៗជាមួយនឹងក្លិប AS Roma កាលពីថ្ងៃចន្ទ ក្រោយពីខ្សែបម្រើអន្តរជាតិអាហ្សង់ទីនរូបនេះ បានធ្វើដំណើរទៅកាន់ប្រទេស អ៊ីតាលី ដើម្បីជជែកលើលក្ខខណ្ឌផ្សេងៗនៃការព្រមព្រៀងលើកុងត្រារយៈពេល ៤ ឆ្នាំ ពីក្លិប Paris Saint-Germain។
Roma បានបង្ហោះរូបថតមួយនៅលើបណ្តាញសង្គម Twitter របស់ពួកគេ ក្នុងពេលកីឡាករវ័យ ២៩ ឆ្នាំរូបនេះ ធ្វើដំណើរទៅអាកាសយានដ្ឋាននៃទីក្រុងរ៉ូម រួមជាមួយនឹងកន្សែងរបស់ក្លិប Roma ក្នុងដៃ ស្របពេលដែលអ្នកគាំទ្រជាច្រើនបានស្វាគមន៍រូបគេនៅឯកន្លែងរង់ចាំនៃការទៅដល់។
ក្លិប Paris Saint-Germain កំពុងតែស្ថិតក្រោមសម្ពាធរបស់សហព័ន្ធកីឡាបាល់ទាត់អឺរ៉ុប (UEFA) ដើម្បីធ្វើឲ្យហិរញ្ញវត្ថុរបស់ពួកគេមានតុល្យភាព ក្រោយពីបានទិញខ្សែប្រយុទ្ធ Neymar និង Kylian Mbappe ក្នុងតម្លៃខ្លួនដ៏ខ្ពស់កាលពីរដូវកាលមុនដែលនាំឲ្យមានការត្រួតពិនិត្យលើចលនាហិរញ្ញ-ត្ថុរបស់ពួកគេ។
ប្រភពដែលជិតដិតនឹងក្លិប Roma បញ្ជាក់ថា តម្លៃខ្លួន ២០ លានអឺរ៉ូ (ស្មើនឹង ២៣ លានដុល្លារ) ត្រូវបានរំពឹងទុកថា នឹងត្រូវផ្តល់ឲ្យ សម្រាប់ខ្សែបម្រើដ៏ឆ្នើមរូបនេះ ដែលបានក្លាយជាកីឡាករមានតម្លៃខ្លួនខ្ពស់ដំបូងគេរបស់ PSG កាលពីឆ្នាំ ២០១១ ក្រោយពីត្រូវបានកាន់កាប់ដោយម្ចាស់កម្មសិទ្ធិសញ្ជាតិកាតា៕