ក្រុងញូវយ៉កៈ កីឡាករ Alejandro Pozo រកបានគ្រាប់ចុងក្រោយជួយឲ្យក្លិប Sevilla ដែលនៅសល់តែគ្នា ១០ នាក់យកឈ្នះទៅលើម្ចាស់ជើងឯកអឺរ៉ុប Liverpool ២-១ ក្នុងការប្រកួតមិត្តភាពនៅទីក្រុងបូស្តុន រដ្ឋតិចសាសសហរដ្ឋអាមេរិកពីថ្ងៃអាទិត្យដែលជាការចាញ់ដ៏អាម៉ាស់មុខមួយចំពោះម្ចាស់ជើងឯកអឺរ៉ុបរូបនេះ Liverpool ខណៈកីឡាករ Yasser Larouci បានរងរបួសនៅក្នុងការប្រកួតមិត្តភាពនេះ។
គ្រូបង្វឹកក្លិប Liverpool លោក Jurgen Klopp មានការខឹងសម្បាយ៉ាងខ្លាំងចំពោះកីឡាករ Joris Gagnon ដែលបានទាត់ទាំងកំហឹងទៅលើកីឡាករ Larouci នៅនាទីទី ៧៦ បង្កឲ្យមានរបួសធ្ងន់ ហើយកីឡាករ Gagnon ត្រូវបានពិន័យកាតក្រហម។
គ្រូបង្វឹករូបនេះបាននិយាយក្នុងសន្និសីទសារព័ត៌មានក្រោយពីការប្រកួតនេះថា កីឡាករ Larouci ទំនងជាមានសំណាងល្អដែលចៀសផុតពីការរងរបួសធ្ងន់ដោយអះអាងថា៖ «វាដូចជាលឿនពេកនៅក្នុងរដូវកាលនេះដែលនិយាយពីអ្វីដែលខ្ញុំគិតពីស្ថានភាពនេះនៅឡើយ»។
គ្រូបង្វឹករូបនេះបានបន្ថែមថា៖ «ប៉ុន្តែជាការពិតណាស់ថាតើវានៅតែបន្តជាមួយរឿងទាំងនេះដែលយើងត្រូវតែរង់ចាំបន្តិច ព្រោះខ្ញុំមិនទាន់ដឹង ១០០ ភាគរយទេ។ វាហាក់ដូចជាគាត់មានសំណាង ប៉ុន្តែខ្ញុំគ្រាន់តែនិយាយយ៉ាងលឿនទៅកាន់គ្រូពេទ្យ ហើយនោះជាអ្វីដែលគាត់បាននិយាយ ប៉ុន្តែយើងត្រូវរង់ចាំមើលជាមុនសិន»។
ទោះជាក្លិបលេងនៅក្របខ័ណ្ឌ La Liga នៅសល់គ្នាតែ ១០ នាក់ក៏ពិតមែន ប៉ុន្តែក្លិបហង្សក្រហមនៅតែមិនអាចមានឱកាសនាំមុខដដែល ខណៈកីឡាករ Pozo រកបាន ១ គ្រាប់នៅនាទីទី ៩០ ក្រោយពីរូបគេទទួលបានបាល់ពីកីឡាករ Munir El Haddadi ដែលអ្នកចាំទីក្លិប Liverpool មិនអាចសង្គ្រោះបាល់បានឡើយ។
ក្រុមអ្នកគាំទ្រក្លិបហង្សក្រហម Liverpool បានខកចិត្តយ៉ាងខ្លាំងនៅពេលតារាបាល់ទាត់នៅក្លិបនេះមួយចំនួនអវត្តមានដូចជា កីឡាករ Roberto Firmino អ្នកចាំទី Alisson កីឡាករ Mohamed Salah និងកីឡាករ Sadio Mane ជាដើមក្រោយពីបញ្ចប់យុទ្ធនាការ Copa America នៅប្រេស៊ីល និង African Cup of Nations នៅប្រទេសអេហ្ស៊ីប៕ SN