អាហ្វ្រិកខាងត្បូងៈ កីឡាករបាល់ឱបសញ្ជាតិកុងហ្គោ Madosh Tambwe រកបាន ៤ គ្រាប់សម្រាប់ក្លិប Golden Lions ក្នុងជ័យជម្នះ ៣៨-៣៧ ទៅលើក្រុម Pumas ពីថ្ងៃសៅរ៍នៅក្នុងការប្រកួតជុំដំបូងនៃព្រឹត្តិការណ៍ South African Currie Cup។
ខ្សែបម្រើស្លាប Tambwe រកបាន ២ គ្រាប់នៅតង់ទី ១ និង ២ គ្រាប់ទៀតនៅតង់ទី ២ នៅកីឡដ្ឋាន Ellis Park នៅទីក្រុង Johannesburg ប្រទេសអាហ្វ្រិកខាងត្បូង ខណៈក្លិប Lions ទទួលបាន ១៦ ពិន្ទុដើម្បីទទួលបានជ័យជម្នះក្នុងការប្រកួតនេះ។
កីឡាករ Tambwe បាននិយាយបន្ទាប់ពីទទួលពានរង្វាន់ជាកីឡាករឆ្នើមបំផុតថា៖ «ខ្ញុំពិតជាសប្បាយចិត្តណាស់ដែលរកបាន ៤ គ្រាប់ ប៉ុន្តែជ័យជម្នះនេះគឺមិនមែនតែខ្ញុំម្នាក់ឯងទេ វាគឺជាជ័យជម្នះរួមទាំងអស់គ្នា»។
កីឡាករ Tyrone Green រកបានគ្រាប់បាល់សម្រាប់ក្រុម Lions នៅនាទីទី ១ នៅតង់ទី ២ ហើយកីឡាករ Shaun Reynold បានប្រែក្លាយជាការនាំមុខ ៤ ពិន្ទុ។
ចំណែកក្រុម Pumas មកពីទីក្រុង Nelspruit នៅភាគឦសានប្រទេសអាហ្វ្រិកខាងត្បូងបានឆ្លើយតបវិញដោយការរកបាន ២០ ពិន្ទុរួមទាំងការរកបានគ្រាប់បាល់ដោយកីឡាករ Etienne Taljaard និងកីឡាករ Morgan Naude ផងដែរ។
កីឡាករ Kobus Marais រកបានពិន្ទុបន្ថែមទៀតពីការទាត់បាល់ពីចម្ងាយ ២ គ្រាប់ និង penalty ២ គ្រាប់ទៀតធ្វើឲ្យបានពិន្ទុសរុប ១៧ ពិន្ទុ។
ប៉ុន្តែក្រុមជាភ្ញៀវបានព្យាយាមតាមស្មើវិញរហូតដល់បានបន្តឈ្នះក្រុមម្ចាស់ផ្ទះ Pumas ថែមទៀតក្នុងលទ្ធផល ៣៧-៣១៕ SN