ក្លិប Inter Millan បានបញ្ជាក់ពីថ្ងៃចន្ទពីការចុះកុងត្រាជាមួយ Diego Godin អតីតខ្សែការពារក្លិប Atletico Madrid សម្រាប់រយៈពេល ៣ ឆ្នាំ។ កីឡាករសញ្ជាតិអ៊ុយរូហ្គាយ Godin អាយុ ៣៣ ឆ្នាំបានប្រកាសពីខែឧសភាថា គាត់នឹងចាកចេញពីក្លិប Atletico ក្រោយចំណាយពេល ៩ ឆ្នាំនៅជាមួយក្លិបដែលលេងនៅក្របខ័ណ្ឌអេស្ប៉ាញ LaLiga មួយនេះ។
ក្លិប Inter បាននិយាយថា៖ «ក្លិប FC Internazionale Milano សូមប្រកាសថា កុងត្រាដែលត្រូវបានចុះជាមួយកីឡាករ Diego Godin នេះនឹងមានរយៈពេលរហូតដល់ថ្ងៃទី ៣០ ខែមិថុនា ឆ្នាំ ២០២២»។ កីឡាករ Godin ចូលរួមនឹងក្លិប Inter ដោយសម្លឹងឃើញបង្កើតភាពខ្លាំងឡើងវិញក្រោមការដឹកនាំរបស់លោក Antonio Conte ដែលបានបញ្ចប់ត្រឹមចំណាត់ថ្នាក់លេខ ៤ នៅក្របខ័ណ្ឌអ៊ីតាលី Serie A កាលពីរដូវកាលមុន ប៉ុន្តែចាញ់ ២១ ពិន្ទុជាមួយក្លិប Juventus ដែលជាម្ចាស់ជើងឯករបស់ក្របខ័ណ្ឌនេះ៕ SN