ក្រុងម៉ាឌ្រីដៈ ក្លិប Real Madrid ជាក្លិបធំបំផុតមួយនៅប្រទេសអេស្ប៉ាញបានប្រកាសចូលរួមកាន់ទុក្ខកាលពីថ្ងៃសៅរ៍ចំពោះការស្លាប់របស់បងប្រុសរបស់គ្រូបង្វឹក លោក Zindine Zidane។
គ្រូបង្វឹកក្លិប Real Madrid លោក Zinedine Zidane បានចាកចេញភ្លាមៗតែម្ដងពីយុទ្ធនាការហ្វឹកហាត់មុនរដូវកាលនៅក្លិបបំផុតមួយនៅក្នុងក្របខ័ណ្ឌអេស្ប៉ាញ La Liga នៅទីក្រុង Montreal ប្រទេសអេស្ប៉ាញក្រោយពីបានទទួលដំណឹងពីប្រទេសបារាំងជុំវិញការស្លាប់របស់បងប្រុសគាត់។
លោក Zidane បានធ្វើដំណើរត្រឡប់ទៅប្រទេសបារាំងពីថ្ងៃសុក្រហើយក្លិប Real Madrid បានប្រកាសពីការចូលរួមកាន់ទុក្ខចំពោះការស្លាប់របស់បងប្រុសគាត់គឺលោក Farid ពីថ្ងៃសៅរ៍។
ក្លិប Real បាននិយាយថា៖ «សមាជិកក្លិប Real Madrid ទាំងអស់បានស្មិងស្មាធិ៍អារម្មណ៍ ១ នាទីដើម្បីគោរពវិញ្ញាណក្ខន្ធលោក Farid នៅមុនពេលមានការហ្វឹកហាត់នៅទីក្រុង Montreal ក្រោយពីបានទទួលដំណឹងស្ដីពីការស្លាប់របស់លោក Farid Zidane ជាបងប្រុសរបស់គ្រូបង្វឹកយើង Zinedine Zidane»។
នៅពេលអវត្តមានលោក Zidane លោក David Bettoni ជាអ្នកទទួលខុសត្រូវចំពោះការហ្វឹកហាត់នៅក្លិបនេះ។
គួររំឭកដែរថា ក្រោយពីប្រកាសចូលនិវត្តន៍ជាកីឡាករហើយលោក Zidane បានចាប់ផ្ដើមអាជីពជាគ្រូបង្វឹកនៅក្លិប Real Madrid។
ក្នុងរយៈពេល ២ រដូវកាលកន្លះជាមួយក្លិបនេះលោក Zidane បានជួយឲ្យក្លិបនេះលើកពាន Champions League ជាប់ៗគ្នាលើកទី ៣ ពាន La Liga ១ លើក ពាន Supercopa de Espa ១ លើក និងពាន Super Cup ព្រមទាំងពាន Clup World Cup ចំនួន ២ លើកផងដែរ។
លោក Zidane បានវិលត្រឡប់ទៅដឹកនាំក្លិប Real Madrid ជាលើកទី ២ វិញនៅក្នុងខែមីនាឆ្នាំ ២០១៩៕ SN