.jpg)
Agnelli (កណ្ដាល) ដែលជាអ្នកគាំទ្រឲ្យមានកំណែទម្រង់ Champions League ។ រូបថត AFP
ក្រុងមីឡានៈ ក្លិបចំនួន ១៥ លេងនៅក្របខ័ណ្ឌអ៊ីតាលី Serie A បានចេញមុខតវ៉ាប្រឆាំងផែនការដ៏ចម្រូងចម្រាសរបស់សមាគមក្លិបបាល់ទាត់នៅអឺរ៉ុបដើម្បីធ្វើកំណែទម្រង់ក្របខ័ណ្ឌ Champions League ដែលគាំទ្រដោយក្លិបធំៗមួយចំនួននៅប្រទេសអ៊ីតាលីដូចជាក្លិប Juventus ជាដើម។ នេះបើយោងតាមរបាយការណ៍ពីប្រទេសអ៊ីតាលីបានឲ្យដឹងនៅដើមសប្ដាហ៍នេះ។
ប្រធានក្លិប Juventus លោក Andrea Agnelli និងជាប្រធានសមាគមក្លិបបាល់ទាត់អឺរ៉ុប (ECA) ដែរនោះបាននិយាយពីសប្ដាហ៍មុនដោយការពារកំណែទម្រង់នៅក្របខ័ណ្ឌ Champions League នៅក្នុងសមាជ UEFA ថា ជាការប៉ុនប៉ងមួយដើម្បីជួយសង្គ្រោះក្លិបតូចៗពីប្រព័ន្ធការពារនិយមរបស់លីកធំៗចំនួន ៥»។
កាសែត Gazzetta Dello Sport បាននិយាយថា នៅដើមសប្ដាហ៍នេះលីកអ៊ីតាលីបានធ្វើការបោះឆ្នោតពាក់ព័ន្ធនឹងអត្ថបទប្រឆាំងនឹងគម្រោងនេះ។
ក្នុងការបោះឆ្នោតនោះគឺមានតែក្រុម Juventus មួយទេដែលបានបោះប្រឆាំងអត្ថបទនេះ ចំណែកក្លិប Roma ក្លិប Inter Milan ក្លិប AC Milan និងក្លិប Fiorentina បានបោះឆ្នោតអនុបវាទ។
សមាគមបាល់ទាត់ ECA ចង់កែទម្រង់ក្របខ័ណ្ឌ Champions League ដោយស្នើសុំឲ្យមានការប្រកួតមួយដែលមានការចូលរួមពី ១២៨ ក្រុមដោយបែងចែកជា ៣ ក្រុម។
ផ្នែកកំពូលនឹងត្រូវបង្កើតឡើងដោយ ៤ ក្រុមក្នុងចំណោម ៨ ក្រុមជាមួយកំពូលតារាងទាំង ៦ ដែលជាប់សម្រាប់ការកែប្រែជាបន្តបន្ទាប់ដោយមិនខ្វល់ពីទីតាំងដែលពួកគេបានស្ថិតនៅចុងក្រោយនៅក្នុងលីកក្នុងស្រុករបស់ពួកគេនោះទេ។
ប៉ុន្តែ ១៥ ក្លិបលេងនៅក្របខ័ណ្ឌ Serie A ដែលជំទាស់នឹងផែនការនេះជឿថា ផែនការនេះអាចនាំឲ្យមានការធ្លាក់ចុះភាគច្រើនរហូតដល់ ៣៥% នៅក្នុងប្រាក់ចំណូលបានច្រើនបំផុត។
កំណែទម្រង់ថ្មីនេះនៅមិនទាន់មានការគាំទ្រច្រើននៅឡើយទេនៅទូទាំងវិស័យបាល់ទាត់នៅតំបន់អឺរ៉ុបដូចជាក្លិបនៅក្របខ័ណ្ឌ Premier League ជាដើមគឺមានការជំទាស់យ៉ាងខ្លាំងចំពោះគម្រោងនេះ។
៧ ក្លិបនៅអេស្ប៉ាញក្រៅពីក្រុម Real Madrid ឬក្លិប Barcelona បានបោះឆ្នោតជំទាស់នឹងផែនការនេះជាមួយក្លិបខ្លះទៀតលេងនៅក្របខ័ណ្ឌអាល្លឺម៉ង់ Budesliga ហើយក្លិប ១៧ នៅក្របខ័ណ្ឌបារាំង Ligue 1 បានតវ៉ាប្រឆាំងនឹងគម្រោងនេះដែរ ខណៈក្លិប PSG, Lyon និង Marseille បានបោះឆ្នោតអនុបវាទ៕ SN
