.jpg)
កីឡាកររបស់ក្រុម Shakhtar Donetsk អបអរ ក្រោយពីខ្សែបម្រើ Fred រកគ្រាប់បាល់នាំមុខឲ្យក្រុមរបស់ខ្លួន។ AFP
ក្រុងខារ៍គីវ: ក្រុម Shakhtar Donetsk បានធ្វើការវាយបកពីការដេញតាមពីក្រោយ ១ គ្រាប់ ខណៈដែលគ្រាប់បាល់បញ្ចូលទីពីការស៊ុតបាល់ពិន័យ Free-kick យ៉ាងល្អរបស់តារាឆ្នើម Fred បានជួយឲុយក្រុមម្ចាស់ជើងឯករបស់អ៊ុយក្រែនមួយនេះ ទទួលជ័យជម្នះក្នុងលទ្ធផល ២-១ លើក្រុម Roma កាលពីថ្ងៃពុធ ក្នុងការប្រកួតក្របខ័ណ្ឌ Champions League វគ្គ ១៦ ក្រុមចុងក្រោយ ជើងទី ១ របស់ពួកគេ។
ខ្សែបម្រើស្លាបវ័យក្មេងរបស់តួកគី Cengiz Under បានបង្កើតការភ្ញាក់ផ្អើលក្នុងការប្រកួតខ្លួនក្នុងក្របខ័ណ្ឌ Champions League ជាលើកទី ១ របស់គេសម្រាប់ក្រុម Roma តាមរយៈការរកគ្រាប់បាល់បញ្ចូលទីនៅនាទី ទី៤១។
ប៉ុន្តែ គ្រាប់បាល់ស៊ុតបញ្ចូលទីពីសំណាក់ខ្សែប្រយុទ្ធ Facundo Ferreyra និងខ្សែបម្រើ Fred បានធ្វើឲ្យការប្រកួតនេះស្ថិតក្នុងតុល្យភាពវិញ នៅមុនពេលការប្រកួតជើងទី២ នាកីឡដ្ឋាន Stadio Olimpico ក្នុងរយៈពេល៣សប្តាហ៍ទៀត។
Roma ដែលកំពុងសម្លឹងរកក្នុងការឈានទៅវគ្គ៨ក្រុមចុងក្រោយជាលើកទី១របស់ពួកគេ ក្នុងរយៈពេល ១០ ឆ្នាំ បានចាប់ផ្តើមយ៉ាងល្អ ខណៈដែល Shakhtar ដែលទើបតែបានមានសកម្មភាពប្រកួតវិញ កាលពីចុងសប្តាហ៍មុន ក្រោយពីការសម្រាកនារដូវរងានោះ បានផ្តល់ចន្លោះប្រហោងច្រើនពេកនៅតំបន់បម្រើ៕ IS
ខ្សែបម្រើ Fred (ឆ្វេង) របស់ក្រុម Shakhtar Donetsk ដណ្តើមបាល់ជាមួយនឹងខ្សែបម្រើអាហ្សង់ទីន Diego Perotti នៃក្រុម Roma។ AFP
