ក្រុងកុនយ៉ាៈ ម្ចាស់ជើងឯក World Cup ២០១៨ បានចាញ់ជម្រើសជាតិតួកគី ២-០ ក្នុងវគ្គជម្រុះ Euro ២០២០ ពីថ្ងៃសៅរ៍ក្នុងស្ថានភាពក្ដៅខ្លាំងនៅក្នុងទីក្រុងកេនយ៉ាប្រទេសតួកគី។
ក្នុងការប្រកួតនេះកីឡាករ Kaan Ayhan រកបាន ១ គ្រាប់នៅនាទីទី ៣០ បន្ទាប់មកកីឡាករ Cengiz Under បានបន្ថែម ១ គ្រាប់ទៀតធ្វើឲ្យម្ចាស់ផ្ទះតួកគីឈ្នះជម្រើសជាតិបារាំងជាលើកដំបូងក្នុងលទ្ធផល ២-០។
គ្រូបង្វឹកក្រុមជម្រើសជាតិបារាំងលោក Didier Des champs ប្រាប់បណ្ដាញ TF1 ថា៖ «បរាជ័យនោះគឺជាការទះកំផ្លៀងចំពោះយើង ហើយគ្មានពាក្យអ្វីដែលខ្ញុំត្រូវនិយាយទៀតទេ»។
ជ័យជម្នះនេះបានធ្វើឲ្យប្រទេសតួកគីបាននាំមុខជម្រើសជាតិបារាំង ៣ ពិន្ទុនៅលើកំពូលតារាងពូល H ក្រោយពីជម្រើសជាតិតួកគីដឹកនាំដោយលោក Senol Gunes បានឈ្នះ ៣ ដងក្នុងការប្រកួតកន្លងមកនេះ។ SN