ក្រុងទុយរីន: ក្លិបម្ចាស់ជើងឯកអ៊ីតាលី Juventus បានដាក់សំណើដេញថ្លៃមួយក្នុងទឹកប្រាក់ ១០០ លានអឺរ៉ូ (ស្មើនឹង ១១៦,៦ លានដុល្លារអាមេរិក) សម្រាប់តារាឆ្នើម Real Madrid របស់ក្លិប Real Madrid។ នេះបើយោងទៅតាមបណ្តាញសារព័ត៌មាន កាលពីថ្ងៃពុធ។
ខ្សែប្រយុទ្ធវ័យ៣៣ឆ្នាំរូបនេះ ដែលក្រុមជម្រើសជាតិ ព័រទុយហ្គាល់ របស់គេបានធ្លាក់ចេញពី World Cup វគ្គ១៦ក្រុមចុងក្រោយ ក្រោមស្នាដៃក្រុមអ៊ុយរូហ្គាយ កាលពីថ្ងៃសៅរ៍នោះ បានបង្ហើប ក្រោយពីក្រុមខ្លួនយកឈ្នះលើក្រុម Liverpool ក្នុងការប្រកួតក្របខ័ណ្ឌ Champions League វគ្គផ្តាច់ព្រ័ត្រថា រូបគេកំពុងតែពិចារណាលើការចាកចេញពីកីឡដ្ឋាន Santiago Bernabeu។
ការសែតកីឡាប្រចាំថ្ងៃ Marca បានចេញផ្សាយព័ត៌មានា Ronaldo កំពុងតែស្វែងរកផ្ទះមួយកន្លែងនៅទីក្រុង Turin ក្រោយពីបណ្តាញសារព័ត៌មានអ៊ីតាលី បានចេញផ្សាយមុននោះបន្តិចថា សំណើដេញថ្លែមួយត្រូវបានដាក់ដោយក្លិប Juventus។
Ronaldo ម្ចាស់ពានបាល់មាស Ballon d''Or ៥សម័យកាល គឺជាអ្នករកបានគ្រាប់បាល់ច្រើនជាងគេតាមរយៈការរកបាន៤៥០គ្រាប់ និងត្រូវបានកោតសរសើរដោយអ្នកគាំទ្ររបស់ Juventus កាលពីរដូវកាលមុន ក្រោយពីរកបានគ្រាប់បាល់ពីការស៊ុតបករំលងក្បាល ក្នុងការប្រកួត Champions League វគ្គ៨ក្រុមចុងក្រោយ នាកីឡដ្ឋាន Juventus។
កាលពីថ្ងៃពុធដដែល ក្លិប Real Madrid បានសម្រេចបង្ហោះសេចក្តីថ្លែងការណ៍ជាផ្លូវការមួយ នៅលើគេហទំព័ររបស់ពួកគេ ដើម្បី បដិសេធចំពោះព័ត៌មានថា ពួកគេបានដាក់សំណើដេញថ្លៃជាកំណត់ត្រាពិភពលោក សម្រាប់ខ្សែប្រយុទ្ធវ័យក្មេង Kylian Mbappe របស់ក្លិប Paris Saint-Germain ក្រោយពីតារាឆ្នើមវ័យ ១៩ ឆ្នាំរូបនេះ បានបង្ហាញពីទម្រង់លេងយ៉ាងល្អក្នុងពេលក្រុមបារាំង យកឈ្នះលើក្រុមអាហ្សង់ទីន ក្នុងការប្រកួត World Cup៕ IS