.jpg)
លោក Jurgen Klopp អ្នកចាត់ការទូទៅរបស់ក្រុម Liverpool ត្រូវបានចោទប្រកាន់ដោយសហព័ន្ធកីឡាបាល់ទាត់អង់គ្លេស (FA) កាលពីថ្ងៃចន្ទ។ AFP
លោក Jurgen Klopp អ្នកចាត់ការទូទៅរបស់ក្រុម Liverpool ត្រូវបានចោទប្រកាន់ដោយសហព័ន្ធកីឡាបាល់ទាត់អង់គ្លេស (FA) កាលពីថ្ងៃចន្ទ ក្រោយពីលោកបានរត់ចូលទីលានប្រកួត ដើម្បីអបអរគ្រាប់បាល់ឈ្នះនៅជិតបញ្ចប់ប្រកួតរបស់ក្រុមលោក ពេលប្រកួតជាមួយនឹងក្រុម Everton ក្នុងជំនួបរវាងក្រុមស្ថិតក្នុងតំបន់ Merseyside តែមួយ។
បុរសសញ្ជាតិអាល្លឺម៉ង់រូបនេះបានសម្តែងនូវការរីករាយយ៉ាងខ្លាំងចំពោះគ្រាប់បាល់នៅនាទី ទី ៩៦ របស់ Divock Origi និងបានរត់ទៅឱបអ្នកចាំទី Alisson Becker របស់ Liverpool។
លោកបានសុំអភ័យទោសសម្រាប់សកម្មភាពរបស់លោក ក្រោយពីការយកឈ្នះ ១-០ ប៉ុន្តែ FA បានប្រកាសថា លោកត្រូវបានចោទប្រកាន់ពីការប្រព្រឹត្តមិនសមរម្យ និងមានពេលត្រឹមថ្ងៃព្រហស្បតិ៍ ដើម្បីឆ្លើយតប៕
