.jpg)
វគ្គបណ្តុះបណ្តាលគ្រូបង្វឹកជិះទូកក្តោងបើកនៅខេត្តកែប។ សហការី
ភ្នំពេញ: ក្នុងគំនិតផ្តួចផ្តើមដ៏ចម្បងជាលើកទី ១ របស់ខ្លួនដើម្បីពង្រីកប្រជាប្រិយភាពនៃកីឡាជិះទូកក្តោងក្នុងប្រទេស សហព័ន្ធកីឡាជិះទូកក្តោងកម្ពុជា ដែលជាមានទំនាក់ទំនងជាមួយនឹងអង្គភាពគ្រប់គ្រងកីឡាទូកក្តោងពិភពលោក នឹងរៀបចំវគ្គបណ្តុះបណ្តាលបច្ចេកទេសកម្រិត ១ រយៈពេល ៥ ថ្ងៃ សម្រាប់គ្រូបង្វឹក ដែលបានចាប់ផ្តើមកាលពីថ្ងៃពុធ នៅទីក្រុងនៃខេត្តកែប។
លោក Joe Chan ដែលជាអ្នកជំនាញមកពីសហព័ន្ធកីឡាទូកក្តោងពិភពលោក និងលោក Joshua Choo គ្រូបង្វឹកកីឡាលើផ្ទៃទឹករបស់សិង្ហបុរី នឹងដឹកនាំក្នុងវគ្គបណ្តុះបណ្តាលនេះ ដែលបើកចំហឲ្យមានការចូលរួមយ៉ាងទូទំទូលាយ ដែលមានគោដៅផ្តោតទៅលើការអនុវត្តផ្តាល់ និងទ្រីស្តី ក្នុងគោលបំណងដើម្បីផ្តល់នូវទេពកោសល្យនានាដែលជួយឲ្យគ្រូបង្វឹកអាចបណ្តុះបណ្តាលអត្តពលិកឲ្យក្លាយជាអ្នកជិះទូកក្តោងឯករាជ្យ។
ក្នុងនាមជាប្រធានសហព័ន្ធកីឡាជិះទូកក្តោងកម្ពុជា និងជាអនុប្រធាននៃគណៈកម្មាធិការជាតិអូឡាំពិកកម្ពុជា លោក Gordon Tang ដែលខ្លួនលោកផ្ទាល់ជាកីឡាករជិះទូកក្តោងម្នាក់ បានបញ្ជាក់ថា វគ្គបណ្តុះបណ្តាលនេះ គឺជាចំណុចចាប់ផ្តើមដ៏សំខាន់មួយសម្រាប់សហព័ន្ធ ដែលត្រូវបានបង្កើតឡើងក្នុងរយៈពេលតិចជាង ៣ ឆ្នាំកន្លងទៅ ដើម្បីបោះជំហានឆ្ពោះទៅកាន់កម្រិតកាន់តែល្អប្រសើរ និងមានអត្តពលិកជិះទូកក្តោងកាន់តែច្រើន ដែលអាចមានជំនាញក្នុងកីឡានេះ។
សិក្ខាកាមរហូតដល់ទៅ ២៨ នាក់ នឹងចូលរួមក្នុងវគ្គបណ្តុះបណ្តាលនេះ ដើម្បីទទួលយកការសិក្សាជំនាញគ្រូបង្វឹកកម្រិតពិភពលោក ផ្សារភ្ជាប់ពួកគេទៅនឹងគំនិតផ្តួចផ្តើមនៃកីឡាជិះទូកក្តោង ក្រោមជំនួយពីដៃគូផ្សេងទៀត និងណែនាំឲ្យពួកគេចាប់ផ្តើមជិះទូកក្តោង រួមជាមួយនឹងប្រភេទទូកផ្សេង។
បើទោះបីអ្នកចូលរួមភាគច្រើនសម្រាប់វគ្គសិក្សានេះ សុទ្ធសឹងជាកងទាហានជើងទឹក ក៏ដោយ ប៉ុន្តែ ក៏មានអត្តពលិកវ័យក្មេងជាច្រើនដែលចូលចិត្តជិះទូកក្តោងដោយខ្លួនឯងផងដែរ។ សមាជិកមួយចំនួនរបស់ក្លិបជិះទូកក្តោង Knai Bang Chatt Sailing Club ក៏បានចូលរួមវគ្គបណ្តុះបណ្តាលមួយនេះផងដែរ។
លោក Meng Wang ដែលមានទំនាក់ទំនងយ៉ាងជិតស្និទ្ធជាមួយនឹងសហព័ន្ធកីឡាជិះទូកក្តោងសិង្ហបុរី និងជាទីប្រឹក្សាម្នាក់របស់សហព័ន្ធកីឡាជិះទូកក្តោងកម្ពុជា បានឲ្យដឹងថា៖ «ក្រោយពីវគ្គបណ្តុះបណ្តាលនេះ យើងសង្ឃឹមថា អាចបង្រៀនអ្នកចូលចិត្តជិះទូកក្តោង នូវវិធីសាស្ត្រសមរម្យ និងការយកចិត្តទុកទៅលើសុវត្ថិភាព ក្រៅពីការថែរក្សាសម្ភារផ្សេង»៕IS
