ក្រុងមុយនិច៖ ក្លិប Bayern Munich បានចងចំណងអ្នកចាំទីអាយុ ១៩ ឆ្នាំ Christian Fruchtl តាមរយៈការបន្តកុងត្រាថ្មីដែលធ្វើឲ្យរូបគេអាចលេងនៅក្លិបនេះរហូតដល់ឆ្នាំ ២០២២។
កុងត្រាចាស់របស់អ្នកចាំទីជម្រើសជាតិអាល្លឺម៉ង់ក្រោមអាយុ ២០ ឆ្នាំ ជាមួយម្ចាស់ជើងឯក Bundesliga នេះនឹងត្រូវផុតកំណត់នៅចុងរដូវកាលនេះ។
អ្នកចាំទី Fruchtl ដែលបានចូលរួមក្លិបនេះនៅឆ្នាំ ២០១៤ នោះ មិនទាន់បានលេងនៅក្នុងក្រុមដំបូងនៃក្លិបនេះនៅឡើយទេ ប៉ុន្តែរូបគេបានចូលលេងបាន ១២ ដងតាំងពីចាប់ផ្ដើមរដូវកាលឆ្នាំ ២០១៧-២០១៨។
អ្នកចាំរូបនេះបាននិយាយថា៖ «វាមានអារម្មណ៍អស្ចារ្យដែលក្លិបល្អបំផុតនៅប្រទេស អាល្លឺម៉ង់ មួយនេះបានទុកចិត្តខ្ញុំ ហើយខ្ញុំចង់បន្តបង្ហាញពីសមត្ថភាពនៅរដូវកាលនេះនៅក្នុងក្រុមទី ៣ ដែលជាក្រុមបម្រុង និងឆ្ពោះទៅចូលរួមក្នុងក្រុមទី ១»៕ AFP/SN