ក្រុងសាន់ ហ្វ្រាន់ស៊ីស្កូ :កម្មវិធីទូរស័ព្ទថ្មី Snapcrap ទើបដាក់ដំណើរការក្ដៅៗ ដើម្បីប្រែក្លាយអ្នកប្រើប្រាស់ទូរស័ព្ទនៅសាន់ ហ្វ្រាន់ស៊ីស្កូ ទៅជាអ្នកស្វែងរកលាមក។
កម្មវិធីទូរស័ព្ទដំណើរការឥតគិតថ្លៃនេះ បានណែនាំអ្នកប្រើប្រាស់ឲ្យចែករំលែករូបភាពលាកមរួមទាំងទីតាំងដល់ក្រុមការងារអនាម័យទីក្រុងដែលបំពេញភារកិច្ចសម្អាតកាកសំណល់សម្អុយទាំងនេះ។
វាមានគោលបំណងបំពេញតួនាទីសំខាន់នេះដោយបំពាក់ភ្ជាប់ឡូហ្គោលាមករំលេចផ្ទៃក្រោយពណ៌លឿង ដែលកម្មវិធីចែករំលែករូបភាព និងវីដេអូលើបណ្ដាញសង្គម ដូច Snapchat ដែរ។
Snapcrap ប្រើប្រព័ន្ធ GPS លើទូរស័ព្ទដៃដើម្បីកំណត់គោលដៅអាចម៌ក្នុងរូបភាព រួចអនុញ្ញាតឲ្យអ្នកប្រើប្រាស់ផ្ញើព័ត៌មានក្នុងបំណងជម្រាបជូនក្រុមសេវាកម្មសម្អាតក្រុង។
ក្នុងបទសម្ភាសជាមួយបណ្ដាញផ្សព្វផ្សាយក្នុងស្រុក អ្នកផលិត Snapcrap សៀន មីលល័រ បានប្រាប់ថា លោកធុញទ្រាន់នឹងគំនរអាចម៌ឆ្កែ និងមនុស្សដែលលោកតែងតែដើរជាន់តាមដងផ្លូវក្រោយរើមករស់នៅក្រុងសាន់្រហ្វាន់ស៊ីស្កូនេះ។
លោក មីលល័រ បាននិយាយថា កម្មវិធី (App) នេះ ត្រូវបានផលិតឡើងដើម្បីធ្វើឲ្យងាយស្រួលក្នុងការរាយការណ៍ពីទីតាំងលាមក ដែលមិនធ្វើលំបាកដល់ប្រព័ន្ធផ្លូវការរបស់ក្រុង៕ AFP/HR