ក្រុងប៉ារីស: ស្លាបព្រាប្រាក់សម្រាប់ដួសស៊ុបសោយ របស់ស្ដេចណាប៉ូឡេអុង ប៉ូណាប៉ាត អំឡុងពេលព្រះអង្គភៀសព្រះកាយទៅកាន់ដែនកោះហេណេណា ( St Helena) និងកាំភ្លើងវែងរបស់ស្ដេចបារាំងដ៏ល្បីល្បាញអង្គនេះ ត្រូវបានលក់ក្នុងការដេញថ្លៃ កាលពីថ្ងៃអាទិត្យចុងសប្ដាហ៍កន្លងមក។
ជាមួយការឆ្លាក់ឈ្មោះស្ដេចណាប៉ូឡេអុង នៅត្រង់ដងស្លាបព្រាធ្វើអំពីប្រាក់ដែលដិត-ដាមប្រវត្តិស្ដេចអង្គនេះត្រូវដាក់ដេញថ្លៃលក់បាន ៨៣៧៥ អឺរ៉ូ (ប្រមាណ ៩៧០០ ដុល្លារ) រីឯកាំភ្លើងវែងដែលដើមឡើយជាព្រះរាជកម្មសិទ្ធិរបស់ស្ដេច ល្វីស (Louis XVI) ត្រូវបានដេញថ្លៃលក់ក្នុងតម្លៃ ៨០០០០ អឺរ៉ូ ក្នុងព្រឹត្តិការណ៍ដែលរៀបចំឡើងដោយក្រុមហ៊ុន Osenat auction house នៅតំបន់ហ្វុងតែនប្លូ (Fontainebleau)។
ក្រៅពីទ្រព្យសម្បត្តិរបស់ស្ដេច ណាប៉ូឡេអុង ប៉ូណាប៉ាត ក្នុងការដេញថ្លៃនោះ ផងដែរ ក៏មានសៀវភៅពិសេសមានបិទស្លឹករុក្ខជាតិក្រៀមចំនួន ១៨ ទំព័រ ជារបស់មហេសីស្ដេច ណាប៉ូឡេអុង មានព្រះនាម ចូសេហ្វីន។ សៀវភៅមានរុក្ខជាតិក្រៀមនេះត្រូវដាក់ដេញថ្លៃលក់បាន ៧០ ០០០ អឺរ៉ូ។
ផ្គួបជាមួយការលក់នោះផងដែរ គឺចម្លាក់ត្រឹមករបស់រាជិនី សូសេហ្វីន ជាស្នាដៃជាងចម្លាក់ សូសេហ្វ ឈីណាដ ដែលត្រូវបានលក់ចេញក្នុងតម្លៃ ៣២៥០០ អឺរ៉ូ៕