.jpg)
ខ្ញែរសមុទ្រដែលមានអានុភាពបញ្ចេញទឹកពិសពីចម្ងាយ។ រូបថត AFP
ក្រុងប៉ារីស៖ ខ្ញែរសមុទ្រមួយប្រភេទធ្វើការប្រមាញ់ចំណីដោយការបញ្ចេញសារធាតុពុលដើម្បីបង្កើតជា «ទឹកពិស» ដោយក្រុមអ្នកវិទ្យាសាស្ដ្របានឲ្យដឹងថ្មីៗនេះ ដែលជាការស្រាយចម្ងល់ដ៏អាថ៌កំបាំងនូវវិធីពួកវាប្រមូលចំណីដោយមិនចាំបាច់ធ្វើអ្វីសោះ។
ខ្ញែរសមុទ្រអម្បូរ Cassiopea xa-machana ដែលប្រទះឃើញនៅទឹកជ្រៅបរិវេណរដ្ឋ Florida ខារីបៀន និងមីក្រូនេស៊ី គឺតែងតែរំខានដល់ក្រុមជ្រមុជទឹក និងជិះក្ដាររលក ដែលបានត្រូវពិសទោះមិនបានប៉ះពាល់សត្វនោះផ្ទាល់ក៏ដោយ។
ប៉ុន្ដែក្រុមស្រាវជ្រាវមកពី US Naval Research Laboratory បានបង្ហាញថា ខ្ញែរអម្បូរ Cassiopea មានសមត្ថភាពប្រមាញ់ចំណីដោយមិនចាំបាច់វាយប្រហារផ្ទាល់។
ខ្ញែររសមុទ្រដេកផ្ងារឡើង និងបាញ់គុលិកាមានជាតិពុលទៅកាន់ផ្ទៃទឹកខាងលើ។ សំណង់រចនាសម្ព័ន្ធទាំងនេះ ហៅថា cassiosomes អាចសម្លាប់សត្វជាចំណី និងអាចធ្វើឲ្យពុលទឹក ជាបទពិសោធដែលក្រុមអ្នកជ្រមុជទឹក និងប្រជានេសាទជួបប្រទះក្នុងផ្ទៃទឹកត្រូពិក។
ក្រុមការងារបានវិភាគអម្បូរខ្ញែរ cassiosomes និងបានរកឃើញថា ស្រទាប់ក្រៅរបស់វាត្រូវបានស្រោបដោយកោសិកាពិសរាប់ពាន់។
ខណៈសារធាតុពុលមិនមានអានុភាពបង្កគ្រោះថ្នាក់ធ្ងន់ធ្ងរដល់មនុស្ស វាអាចបំផ្លាញកោសិកាស្បែក និងជាមច្ចុរាជចំពោះអម្បូរសត្វតូចៗ។
យោងតាម Cheryl Ames បញ្ចប់ការសិក្សាផ្នែកវិទ្យាសាស្ដ្រកសិកម្មមកពីប្រទេស ជប៉ុន បានឲ្យដឹងថា ទឹកពុលបង្កជារមាស់លើស្បែកពីតិចទៅខ្លាំង និងធ្វើឲ្យអារម្មណ៍មិនស្រណុកស្រួលរហូតដល់អាចបង្ខំចិត្ដឲ្យឡើងចេញពីផ្ទៃទឹក៕ AFP/HR
