.jpg)
ឆ្នាំ ២០២០ ដៃគូរាំភេទដូចគ្នា លែងប្រឈមការរើសអើងទៀតហើយ។ រូបថត AFP
ក្រុងវីយែន៖ ពេល សូភា ហ្គ្រូ និងអ៊ីរីស ក្លូពហ្វ័រ ឡើងរាំបង្ហាញមុខជាសាធារណៈនៅសាលមហោស្រព Opera Ball ដ៏ល្បីល្បាញប្រចាំក្រុងវីយែន កាលពីថ្ងៃព្រហស្បតិ៍ ពួកគេនឹងរាំបង្កើតប្រវត្ដិសាស្ដ្រ។
វានឹងក្លាយជាព្រឹត្ដិការណ៍ដំបូងដែលគូស្នេហ៍ភេទដូចគ្នារាំជាមួយគ្នា ក្នុងចំណោមមហាជននៃពិធីបើកសម្ពោធសាលមហោស្រព។
ព្រឹត្ដិការណ៍នេះ គឺជាឱកាសដ៏វិសេសប្រចាំឆ្នាំបំផុតមួយនៅទីក្រុងវីយែន ដោយមានការចូលរួមពីមហាជន ៥ ពាន់នាក់ នៅសាលទំនើប Opera Ball និងអ្នកទស្សនាតាមកញ្ចក់ទូរទស្សន៍ប្រមាណ ២ លាននាក់ទៀត។
កញ្ញា សូភា និងកញ្ញា អ៊ីរីស បានក្លាយជាមិត្ដភក្ដិនឹងគ្នាតាំងពីនៅរៀនថ្នាក់វិទ្យាល័យក្នុងប្រទេសកំណើតអាល្លឺម៉ង់ ហើយមិនខុសពីគូស្នេហ៍ដទៃទៀត មិនមែនជាគូសង្សារក្រៅវេទិការាំឡើយ។
កញ្ញា សូភា អាយុ ២១ ឆ្នាំ បានប្រាប់ AFP ដោយទន្ទឹងរង់ចាំព្រឹត្ដិការណ៍រាត្រីថ្ងៃព្រហស្បតិ៍មកដល់ថា៖ «ពេលនេះ យើងពិតជាញាប់ញ័រ តែនរណាក៏តែងតែមានអារម្មណ៍បែបនេះ ពេលជិតឡើងឆាកដែរ»។
ដៃគូរាំភេទដូចគ្នា សូភា និង អីុរីស ត្រៀមប្រកៀកគ្នារាំនៅ Opera Ball។ រូបថត AFP
មិនខុសពីអ្នកចូលរួមផ្សេងៗទៀត កញ្ញា សូភា និងដៃគូ អ៊ីរីស អាយុ ២២ ឆ្នាំ ត្រូវឆ្លងកាត់វគ្គជ្រើសរើសដ៏តឹងរ៊ឹង ដែលទាមទារឲ្យមានជំនាញខ្ពស់នូវក្បាច់រាំរបស់អ្នកស្រុកវីយែន។
ខណៈពួកគេទទូចថា ពួកគេមានបំណងចង់រាំចេញពីសេចក្ដីស្រឡាញ់ ដែលជាសារៈសំខាន់មួយផងដែរ។
កញ្ញា សូភា និយាយថា៖ «យើងកំពុងព្យាយាមប្រើវេទិកានេះបង្ហាញ វាមិនមែនជាបញ្ហានោះទេ ចំពោះអ្វីដែលនៅក្នុងខោ ឬកើតមកជាភេទអ្វីឡើយ អ្នកនៅតែអាចរាំទោះកាលៈទេសៈណាក៏ដោយ»។
អ្នករៀបចំព្រឹត្ដិការណ៍របាំ ម៉ារៀ គ្រូសប៊័រ និយាយថា៖ «សុភាពនារីរាំបានយ៉ាងល្អ និងត្រូវបានទទួលស្គាល់ ពីគណៈកម្មការ។ ឆ្នាំ ២០២០ អ្នកចូលរួមរាំភេទដូចគ្នាលែងមានបញ្ហាឧបសគ្គទៀតហើយ»៕ AFP/HR
