.jpg)
បុរសហូឡង់ ដែលត្រូវតុលាការបដិសេធកែអាយុ។ AFP
ក្រុងឡាអេ: តុលាការនៅហូឡង់ កាលពីថ្ងៃចន្ទ បានច្រានចោលការប៉ុនប៉ងរបស់បុរសចំណាស់ម្នាក់ ដែលចាត់ទុកខ្លួនជា «អធិរាជសាច់ចាំ» នៃអាយុពិត ៧០ ឆ្នាំក្នុងការកាត់អាយុ ២០ ឆ្នាំ ដើម្បីបង្កើនភាពស្រស់បំព្រងនៃជីវិត និងអានុភាពសិច។
ក្នុងករណីដ៏កម្រជួបបែបនេះ តុលាការខណ្ឌអានហេម បានប្រាប់ «អាធិរាជសាច់ចាំ» អេមីល រ៉ាតេលបេនដ៍ ថា វាគ្មានអ្វីចាំបាច់ដល់ថ្នាក់កាត់អាយុរហូតដល់ ២ ទសវត្សរ៍ មកត្រឹមថ្ងៃទី ១១ ខែមីនា ឆ្នាំ ១៩៦៩ នោះទេ។
ចៅក្រមបាននិយាយថា៖ «លោក រ៉ាតេលបេនដ៍ មានសិទ្ធិធ្វើខ្លួនក្មេងជាងវ័យ ២០ ឆ្នាំ និងធ្វើអ្វីៗតាមចិត្ដចង់។ ប៉ុន្ដែការកែប្រែថ្ងៃខែឆ្នាំកំណើត នឹងធ្វើឲ្យបាត់បង់កំណត់ត្រា ២០ ឆ្នាំតាំងពីបញ្ជីជាតិកំណើត អាពាហ៍ពិពាហ៍ និងការចុះអេតាស៊ីវិលជាដើម»។
លោក រ៉ាតេលបេនដ៍ ជាគ្រូ-បង្គោលបង្រៀនមេរៀនជីវិតដ៏ល្បីល្បាញ ដែលមានជំនាញលើ «ការបណ្ដុះបណ្ដាលចំណេះដឹង និងការវិនិច្ឆ័យល្អ» ធ្លាប់បាននិយាយថា លោកមានអារម្មណ៍ត្រូវគេរើសអើងដោយសារតែសម្រស់ក្មេងជាងវ័យ ហើយត្រូវបានគេរើសអើងពេលប្រាប់ពីអាយុពិត។
តុលាការបានចេញសេចក្ដីថ្លែងការណ៍ថា ថ្វីដ្បិតតែចៅក្រមទទួលស្គាល់ថា បុគ្គលម្នាក់ៗមានសិទ្ធិធ្វើខ្លួនក្មេងតាមចិត្ដចង់យ៉ាងណាក៏ដោយ ក៏វាមិនចាំបាច់ត្រូវកែបញ្ជីជាតិកំណើតឡើយ៕
