.jpg)
តាយតាយ បង្ហាញភាពប៉ិនប្រសប់ក្នុងការដើរជើងមុខ ២ របស់វា។
ក្រុងបាងកក: ពេល តាយតាយ បាត់បង់ជើងក្រោយទាំងគូដោយគ្រោះថ្នាក់ចរាចរណ៍ គ្មាននរណាជឿថា វាអាចដើរម្ដងទៀតទេ។ ប៉ុន្ដែឆ្កែក្លាហាននេះបានពុះពារនឹងព្រេងវាសនា ហើយពេលនេះវាមានភាពរឹងមាំដោយមិនចាំបាច់ប្រើរទេះ ជាការព្រះរាជទានពីព្រះមហាក្សត្រថៃនោះទេ។
តាយតាយ ពេញចិត្ដនឹងការដើរជើងមុខ២នៅផ្ទះសត្វក្នុងខេត្ដឈុនបុរី ប្រទេសថៃ។ វីដេអូឃ្លីបមួយបានបង្ហាញថា ឆ្កែដើរជើង ២ យ៉ាងប៉ិនប្រសប់។ វារស់នៅទីនេះ ៤ ឆ្នាំ។
តាយតាយ ទើបទទួលបានការឧបត្ថម្ភពីស្ដេច ក្រោយពីអង្គការសិទ្ធិសត្វមួយឈ្មោះ Watchdog Thailand បានបង្ហោះរូបភាពឆ្កែនេះជាច្រើនសន្លឹកលើបណ្ដាញសង្គម។
ព្រះមហាក្សត្រ វ៉ាជីរ៉ាឡុងកន ឬរាមាទី ១០ ទតឃើញរូបថត បានជួយដល់ឆ្កែអភ័ព្វនេះ។
ព្រះមហាក្សត្រថៃ ព្រះរាជទានអាហារឆ្កែ និងជម្រក ព្រមទាំងផ្ដល់រទេះឲ្យ តាយតាយ និងដាក់ឈ្មោះថាឆ្កែរាជាឃុន ហ្វ៊ូ។
ប៉ុន្ដែ តាយតាយ មិនចង់ប្រើកាដូព្រះរាជា ក្រុមអ្នកជំនាញអះអាងថា ជើងវាមានសភាពរឹងមាំក្នុងការដើរទ្រខ្លួនបាន។ ពិតជាអស្ចារ្យ ដែលឆ្កែកំបុតជើងនេះអាចដើរ និងរត់តាមចិត្ដចង់។ នេះយោងតាម ជូលៀន គួង អាយុ ៣២ ឆ្នាំ មកពីក្រុងហ្ស៊ូរិច ប្រទេសស្វ៊ីស ដែលបានថតវីដេអូតាយតាយ ដើរ។
ឆ្កែព្រះរាជា ឈ្មោះ តាយតាយ ឬឃុនហ្វ៊ូ នៅបន្ដស្នាក់នៅក្រោមការថែទាំរបស់ម្ចាស់ ភីរ៉ាផា ស៊ូវ៉ានិច ដែលបានចិញ្ចឹមសត្វឆ្កែ ៤០ ក្បាល និងឆ្មាអនាថា ២០០ ក្បាលក្នុងមណ្ឌលសត្វនេះ៕HR
