.jpg)
អ្នកនាង ភិន សុដាលីស និងកញ្ញា ឌុច លីដា ជាតួឯកស្រី។ ហេង ជីវ័ន
ភ្នំពេញ: វណ្ណកម្មថ្មីរបស់ផលិតកម្មមហាហង្ស ភាពយន្តខ្នាតធំ ដែលនិយាយពីលក្ខណៈចម្លែកគ្នានៃកូនភ្លោះ មានចរិតខុសគ្នាទាំងស្រុង រឿង «ណូលី ណូឡា» ផ្ដើមចាក់បញ្ចាំងចាប់ពីទី២០ ខែកញ្ញា ឆ្នាំ២០១៨ នេះ នៅគ្រប់រោងកុនទំនើបនានាទូទាំងប្រទេសកម្ពុជា ក្រោយពីបានបើកសម្ពោធកាលពីល្ងាច ថ្ងៃទី១៨ ខែកញ្ញា ឆ្នាំ២០១៨ ម្សិលមិញ។
កញ្ញា ម៉ៅ ចាន់រស្មី ជាអ្នកនិពន្ធរឿង«ណូលីណូឡា»។ហេង ជីវ័ន
ភាពយន្តខ្នាតធំបែបកំប្លែង និងមនោសញ្ចេតនាស្នេហាមួយរឿងនេះ មានភាពខុសប្លែកពីរឿងមុនៗ ដែលផលិតកម្មមហាហង្សបានផលិតមក ពីព្រោះថារឿងនេះ មានឈុតឆាកសើចចុកពោះជាច្រើន ទាក់ទងនឹងតួអង្គជាបងប្អូនភ្លោះ ដែលមានទាំងរូបរាង ការតាក់តែងកាយ និង ចរិតខុសគ្នាស្រឡះ បង្កឲ្យមានការឈ្លោះទោះទែងគ្នាតាំងពីដើមរហូតដល់ស្ទើរចុងបញ្ចប់នៃសាច់រឿង។
ណូលី និង ណូឡាជាកូនភ្លោះស្រីពីរនាក់ដែលខុសគ្នាគ្រប់យ៉ាងមិនថា រូបរាង និងអត្តចរិត។ ឪពុកម្តាយរបស់ ណូលី និង ណូឡា បានលែងលះគ្នាតាំងពីពួកនាងនៅតូច ហើយក៏ចែកកូនចិញ្ចឹមរៀងខ្លួន។ សម្ដែងដោយស្រីស្រស់ ឌុច លីដា តួអង្គ ណូលី ជាបងស្រី នាងរស់នៅជាមួយម្តាយ ដែលមានចរិត ឆើតឆាយ ហ៊ឺហារ ធ្វើឲ្យ ណូលី ក៏ក្លាយជាជានារី ចូលចិត្តការសប្បាយ។ ចំណែកឯអ្នកនាង ភិន សុដាលី ដែលជាតួអង្គប្អូនស្រី ណូឡា វិញ នាងជានារីម៉ឹងម៉ាត់ សាមញ្ញ និងចូលចិត្តជួសជុលរថយន្ត ដូចជាកូនប្រុស ព្រោះតែរស់នៅជាមួយឪពុក ជាជាងជួសជុលឡាន។
បន្ថែមសំណើចដល់ខ្សែភាពយន្តនេះ គឺវត្តមានរបស់តួអង្គកំប្លែងនាយ ពែកមី អ្នកនាង ខ្ញុង តារាសម្តែងជើងចាស់អ្នកស្រី ចាន់ តារាទី លោក ភឹម តារាវិបុល លោក អូន ឧស្សាហ៍ ឌីជេ កាកា លោក ងួន សុបិន លោក រ៉ានី រ៉ាស៊ីនី អ្នកនាង ប៉េងប៉ោង នាយ ក្រឹប និង នាយ យក្ស ព្រមទាំងតារាកិត្តយសជាច្រើនដួងទៀត ដែលសុទ្ធតែមានទេពកោសល្យក្នុងការសម្តែងទៀតផង។
ខាងក្រោមនេះ ជាបណ្តុំរូបភាពតារាសម្តែងល្បីៗក្នុងរឿង«ណូលី ណូឡា» និងផលិតករល្បីជើងចាស់ ភ្ញៀវកិត្តិយស៖
តារាចម្រៀងអ្នកនាង អេដា នាំម្ចាស់ស្នេហ៍មកចូលរួមកម្មវិធីសម្ពោធខ្សែភាពយន្ត។ហេង ជីវ័ន
តារាសម្ដែងក្នុងភាពយន្តរឿង ណូលី ណូឡា ចូលរួមក្នុងពិធីកាត់ខ្សែបូរសម្ពោធការចាក់បញ្ចាំង។ហេង ជីវ័ន
ស្រីស្រស់ ឌុច លីដា គ្រងឈុតរ៉ូបពណ៌លឿងឆើត បណ្ដើរតារារូបសង្ហាលោក ណាខុន មកចូលរួមកម្មវិធីសម្ពោធភាពយន្ត។ហេង ជីវ័ន
លោក អ៊ិន សុភិន ចាងហ្វាងផលិតកម្មមហាហង្ស ផ្ដល់បទសម្ភាសដល់អ្នកព័ត៌មាន។ហេង ជីវ័ន
អ្នកនាង ភិន សុដាលីស លោក អូន ឧស្សាហ៍ និងលោក រ៉ានី រ៉ាស៊ីនី។ហេង ជីវ័ន
អ្នកនាង ភិន សុដាលីស និងលោក រ៉ានី រ៉ាស៊ីនី សម្ដែងជាតួអង្គសំខាន់ក្នុងរឿង ណូលី ណូឡា។ហេង ជីវ័ន
ផលិតករភាពយន្តល្បីឈ្មោះ លោក ឆាយ បូរ៉ា។ហេង ជីវ័ន
លោក ណាខុន និងកញ្ញា ឌុច លីដា ផ្ដល់បទសម្ភាសដល់អ្នកព័ត៌មាន។ហេង ជីវ័ន
