ក្រុងប៉ារីស: ស្ដ្រីម្នាក់បានផ្ដល់កំណើតកូនលើរថភ្លើងក្រុងប៉ារីសកាលពីថ្ងៃចន្ទ ដោយជំរុញឲ្យបណ្ដាញដឹកជញ្ជូនទីក្រុងបារាំងមួយនេះផ្ដល់សេវាកម្មធ្វើដំណើរឥតគិតថ្លៃដល់ទារកតូចរហូតដល់អាយុ ២៥ ឆ្នាំ។
រថភ្លើងឈប់សំចតនៅស្ថានីយ Auber កណ្ដាលក្រុងប៉ារីស ខណៈស្ដ្រីរូបនោះ ធ្វើដំណើរទៅកាន់មន្ទីរសម្ភពហើយទារកបានប្រសូតនៅម៉ោង ១១ និង ៤០ នាទីជិតកណ្ដាលអាធ្រាត្រ ដោយមានជំនួយពីអ្នកដំណើរ ១៥ នាក់ រួមទាំង បុគ្គលិកសង្គ្រោះបន្ទាន់ ប៉ូលិស និងបុគ្គលិករថភ្លើងផងដែរ។
អុ្នកនាំពាក្យ បាននិយាយអំពីអ្នកម្ដាយ និងកូនប្រុសទើបប្រសូតថា៖ «តាមយើងដឹង ទាំងម្ដាយ និងកូនសុទ្ធតែមានសុវត្ថិភាព។ ក្រុមហ៊ុនសូមអបអរចំពោះអ្នកម្ដាយ ហើយយើងនឹងផ្ដល់សេវាកម្មធ្វើដំណើរឥតគិតថ្លៃដល់ក្មេងនេះរហូតដល់រូបគេអាយុ ២៥ ឆ្នាំ»៕