ក្រុងគូឡាឡាំពួ: កំណើនតម្រូវការផ្លែទុរេននៅប្រទេសចិនជាដើមចមគួរឲ្យស្ដីបន្ទោសចំពោះការបំផ្លិចបំផ្លាញព្រៃឈើនៅប្រទេសម៉ាឡេស៊ី ដោយក្រុមអភិរក្សបរិស្ថានបន្ដព្រមានពីការរុករានព្រៃដើម្បីបង្កបង្កើនផលដំណាំស្ដេចផលានុផលនេះ។
ប្រជាកសិករក្នុងប្រទេសម៉ាឡេស៊ីបានប្ដូរពីការដាំដុះចម្ការតូចតាចទៅជាឧស្សាហកម្មធំៗ។ វាជាទំនោរដែលក្រុមបរិស្ថាននិយមបានព្រមានពីការគំរាមកំហែងដល់ព្រៃឈើដែលកំពុងប្រឈមការរុករានយកដីដាំដំណាំដូងប្រេងរួចទៅហើយនោះ។
អ្នកស្រី សុភិន តាន់ មកពីអង្គការអភិរក្សបរិស្ថាន PEKA ដែលបានសិក្សាពីការរានយកដីបង្កើនផលដំណាំនេះបាននិយាយថា៖ «បច្ចុប្បន្នផ្លែទុរេនកំពុងទទួលបានការចាប់អារម្មណ៍ខ្ពស់ពីទីផ្សារចិន។ ការបំផ្លិចបំផ្លាញព្រៃឈើដាំទុរេនជាមធ្យោបាយផ្គត់ផ្គង់តម្រូវការទីផ្សារ»។
ក្នុងស្រុកព្រៃឈើ រោប កណ្ដាលប្រទេសម៉ាឡេស៊ី ព្រៃឈើច្រើនសន្ធឹកទើបត្រូវបានកាប់រំលំដើម្បីរានយកដីដាំគ្រាប់ទុរេនដោយមានព័ទ្ធស្បៃមងការពារតាមជម្រាលភ្នំ។
ពូជទុរេនពេញនិយមបំផុត និងជាពូជលក់បានថ្លៃបំផុតគឺ ទុរេនមូសាង ល្បីសាច់ក្រាស់ និងរំលេចពណ៌មាសឆ្អិនឆ្អៅដែលអាចដាក់លក់នៅតាមតូបក្រុងប៉េកាំងអាចមានតម្លៃដល់ ៨០០ យន់ (១២០ដុល្លារ) លើសតម្លៃទីផ្សារម៉ាឡេស៊ីជាច្រើនដង។
ម៉ាឡេស៊ីរំពឹងថានឹងអាចនាំចេញទុរេនក្លាស្សេទៅកាន់ទីផ្សារដែលនឹងបង្កើនការដឹកជញ្ជូន និងផលិតផលលើស ២ ដងរហូតដល់ ៤៤៣០០០ តោនក្នុងឆ្នាំ ២០៣០៕ HR