.jpg)
បាយឆាគ្រឿងសមុទ្រដ៏ពេញនិយមត្រូវបានប្រើជំនួសបាយសនៅក្រុងញ៉ាត្រាង។ vns
ក្រុងហាណូយ: កន្លងមកមិនយូរប៉ុន្មានបាយសមួយចានគឺជាក្ដីសុបិនសម្រាប់ពលរដ្ឋវៀតណាមភាគច្រើន។ កសិករដែលប្រើញើសឈាមខ្លួនលើដីស្រែ និងអ្នកក្រុងក៏ពុះពារត្រូវបង្ខំចិត្ដលាយបាយសជាមួយក្ដួច ពោត ឬដំឡូងជ្វាក្រៀម នៅដើមទសវត្សរ៍ឆ្នាំ ១៩៨០ សម័យក្រោយសង្គ្រាមដែលក្មេងជំនាន់ថ្មីរបស់វៀតណាមពិបាករកបាយចម្អែតក្រពះ។
វាជាវេលាដែលការប្រមូលផលស្រូវអង្ករមិនគ្រប់គ្រាន់សម្រាប់ប្រើប្រាស់ក្នុងស្រុក ដោយមិនគិតដល់ការនាំចេញអ្វីឡើយ។ បាយមួយគ្រាប់ៗត្រូវបានទទួលទានយ៉ាងសន្សំសំចៃបំផុត និងត្រូវបានចាត់ទុកជាត្បូងអាចទំពាបានដ៏មានតម្លៃ។
សុភាសិតវៀតណាមបានបង្រៀនកូនចៅជំនាន់ក្រោយថា៖ «អ្នកដែលអាចកាន់បាយ ១ ចានក្នុងដៃ គ្រប់គ្រាប់អង្ករដ៏ឈ្ងុយឈ្ងប់កើតឡើងពីញើមឈាមដ៏សែនលំបាក»។
បច្ចុប្បន្នវៀតណាមជាប្រទេសនាំចេញអង្ករច្រើនលំដាប់ទី ២ ក្នុងលោកបន្ទាប់ពីប្រទេសថៃ ហើយពលរដ្ឋតិចតួចបំផុតដែលខ្វះខាតបាយហូប តែនោះមិនមែនមានន័យថាវៀតណាមត្រូវខ្ជះខ្ជាយមាសនេះឡើយ។
គ្រឿងផ្សំបាយឆា អ្នកក្រុងញ៉ាត្រាង ប្រទេសវៀតណាម។ រូបថត vns
កុមារដែលធំធាត់ក្នុងទសវត្សរ៍ឆ្នាំ ១៩៨០ ចងចាំថាបាយកកតែងតែជាអាហារពេលព្រឹកដ៏ឆ្ងាញ់ពិសា។ បាយក៏ជាអាហារចម្បង ហើយបាយកកដែលបន្សល់ទុកឆ្លងថ្ងៃអាចយកមកឆាពី ១៥ ទៅ ២០ នាទីបង្កើតជាមុខម្ហូបថ្មីយ៉ាងពេញនិយម។
ខណៈបាយឆាពេញនិយមខ្លាំងនាពេលបច្ចុប្បន្ន រហូតក្លាយជាមុខម្ហូបចម្បងមួយក្នុងទីក្រុងរីសតឆ្នេរ ញ៉ាត្រាង វាក៏ពិតជាមានភាពល្បីល្បាញខ្លាំង។ នៅក្រុងញ៉ាត្រាង បើអ្នកមិនចូលចិត្ដបាយឆាទេ អ្នកប្រាកដជាគ្មានបាយហូបឡើយ។
ភាពវិសេសរបស់បាយឆាក្រុងញ៉ាត្រាង វាជាគ្រឿងសមុទ្រ។ លាយជាមួយមឹក បង្គា និងគ្រំ បាយឆាគ្រឿងសមុទ្រមិនចាញ់មុខម្ហូបប្រពៃណីផែលឡា អេស្ប៉ាញឡើយ។
ផែលឡា មានបាយចម្អិនក្នុងខ្ទះជាមួយគ្រឿងសមុទ្រ តែបាយមានភាពស្រួយ៕ vns/HR
