ក្រុងលីសបោន: ជញ្ជាំងរូបផ្កាយនៃទីក្រុងកំពូលភ្នំ អេលវ៉ាស ស្ថិតនៅលើតំបន់វាលទំនាបភាគខាងត្បូង អាឡេនតេចូ ប្រទេសព័រទុយហ្គាល់ ក្បែរព្រំដែនជាមួយប្រទេសអេស្ប៉ាញ។ ប៉ុន្ដ ទោះបីត្រូវបានប្រកាសជាតំបន់បេតិកភណ្ឌពិភពលោករបស់អង្គការ UNESCO ក្នុងឆ្នាំ ២០១២ ក្រុង អេលវ៉ាស ទទួលបានភ្ញៀវទេសចរតិចតួចពីអ្នកដំណើរអេស្ប៉ាញពេលថ្ងៃម្ដងម្កាល។
ក្រុមហ៊ុនសំណង់ជាច្រើនកំពុងធ្វើការលាបពណ៌សលើអគារសតវត្សរ៍ទី ១៧ ដែលធ្លាប់ប្រើចុងក្រោយជាតុលាការយោធា ដើម្បីប្រែក្លាយជាសណ្ឋាគារផ្កាយ ៤ ចំនួន ៨០ បន្ទប់ ដែលគ្រោងនឹងបើកសម្ពោធនៅឆ្នាំក្រោយ។
លោក ចច រ៉េបេឡូ ដេ អាល់ម៉ៃដា ជាអគ្គនាយក Vila Gale ដែលត្រូវបានផ្ដល់សិទ្ធិ ៤០ ឆ្នាំ ប្រតិបត្ដិលើអគាររបស់រដ្ឋនេះបាននិយាយថា៖ «យើងត្រូវបានលើកទឹកចិត្ដជាមួយសណ្ឋាគារប្រកបដោយគុណភាពនេះ ភ្ញៀវទេសចរនឹងមកស្នាក់នៅក្រុងអេលវ៉ាស»។
ព័រទុយហ្គាល់ បានស្វាគមន៍ភ្ញៀវទេសចរបរទេសប្រមាណ ១៨,២ លាននាក់។
វិស័យទេសចរណ៍ បានក្លាយជាយានជំរុញល្បឿនសេដ្ឋកិច្ច ព័រទុយហ្គាល់ ចម្បងមួយតាំងពីឆ្នាំ ២០១៤ ពេលប្រទេសច្រានចោលជំនួយអន្ដរជាតិ ៧៨ ពាន់លានអឺរ៉ូសម្រាប់រយៈពេល ៣ ឆ្នាំដែលបង្កផលប៉ះពាល់យ៉ាងដំណំទៅលើប្រជាពលរដ្ឋរបស់ខ្លួន។
បច្ចុប្បន្នដើម្បីទាក់ទាញ និងរក្សាកំណើនភ្ញៀវប្រចាំឆ្នាំ រដ្ឋាភិបាលសង្គមនិយមព័រទុយហ្គាល់ កំពុងជួលអគារព្រះវិហារ បន្ទាយនិងតំបន់ប្រវត្ដិសាស្ដ្រនានា ជាទីឋានស្នាក់អាស្រ័យឯកជនឲ្យទៅជាសណ្ឋាគារ និងមជ្ឈមណ្ឌលកម្សាន្ដសម្បូរបែប។
អគារស្ថិតក្នុងចំណោមតំបន់ប្រវត្ដិសាស្ដ្រដែលត្រូវបានបោះបង់ចោលចំនួន ៣៣ កន្លែង ដោយរដ្ឋាភិបាលបានធ្វើកិច្ចសន្យាជួលក្រោមគម្រោងអភិវឌ្ឍន៍រយៈពេល ៥០ ឆ្នាំ។
តំបន់អភិវឌ្ឍន៍ដទៃទៀត ដែលជាបន្ទាយនៅភាគពាយព្យក្រុង ខាមីនហា មានអណ្ដូងមួយក្នុងចំណោមអណ្ដូងតែ ៣ ក្នុងលោក ដែលស្ថិតនៅសមុទ្រ។
លោក នូណូ រីបៃរ៉ូ ជាអ្នកគ្រប់គ្រងសណ្ឋាននេះបានថ្លែងថា៖ «ក្រុង អូប៊ីដូស នៅពេលនេះ មានឈ្មោះល្បីជាក្រុងយុគកណ្ដាលដ៏តូចមួយរបស់ព័រទុយហ្គាល់។ កិច្ចខិតខំប្រឹងប្រែងដើម្បីបង្កើតគោលដៅទេសចរណ៍វប្បធម៌សម្រាប់ប្រទេស ចាប់ផ្ដើមទទួលជោគជ័យបណ្ដើរ»៕