.jpg)
តារាសម្តែងស្រី មានងារជារាជិនីក្រមា កញ្ញា មាន សូនីតាក្នុងពេលកំពុងហាត់ប្រាណកន្លងមក។ ហ្វេសប៊ុក
ភ្នំពេញៈ ថ្មីៗនេះតារាស្រីដែលជាប់ងារមហាជនដាក់ឲ្យថា «រាជិនីក្រមា» កញ្ញា មាន សូនីតា មិនត្រឹមតែបានបង្កការភ្ញាក់ផ្អើលទៅដល់មហាជនស្រឡាំងកាំងនោះទេ សូម្បីតែខាងមិត្តអ្នកសិល្បៈក៏មើលភ្លឹក ហើយចែករំលែកបន្តគ្នាផងដែរ ចំពោះរូបភាពនាពេលហាត់ប្រាណដ៏កម្ររបស់នាង ដែលលេចចេញចុងសុដន់ទាំងគូផុសទូលអាវយឺត មើលឃើញយ៉ាងច្បាស់ក្រឡែត។
ក្រៅពីរូបថតប៉ុន្មានសន្លឹក-របស់កញ្ញា មាន សូនីតា គេក៏ឃើញមានថតខ្សែវីដេអូផងដែរ ពេលនាងហាត់ប្រាណ ហើយរំលេចចេញកេរ្តិ៍ខ្មាសចុងសុដន់ទាំងគូនោះដែលត្រូវបានចែកចាយតាមបណ្តាញសង្គមមួយរំពេចតែម្តង។
ទោះបីមានអ្នកខ្លះមានភាពសប្បាយចិត្តដោយបានមើលរូបភាពដ៏កម្រនេះមែនក្តី តែក៏មានអ្នកគាំទ្រខ្លះបង្ហាញភាពខ្វល់បែបសោកស្តាយចំពោះការបែកធ្លាយចេញរូបនោះផងដែរ ដោយបានលើកឡើងថា៖ «តើអ្នកណាគេបានលួចថតរូបនេះ ហើយក៏ចែកចាយបន្តគ្នាឲ្យផ្អើលគេឯងបែបនេះអ៊ីចឹង? តើ កញ្ញា មាន សូនីតា មានប្រតិកម្មយ៉ាងណាទៅចំពោះរូបភាពនេះ?»។
រាជិនីក្រមាតារាសម្តែងស្រីដែលកំពុងមានទីផ្សារថតខ្សែភាពយន្ត និងជាតារាតំណាងឲ្យផលិតផលម៉ាកល្បីៗ ដែលទើបតែសម្តែងការហួសចិត្តនឹងរឿងប្រ៊េនដ៍វ៉ាលីសបរទេសដ៏ធំមួយ បានយករូបនាងទៅបង្ហោះផ្សព្វផ្សាយផលិតផលរបស់ពួកគេ ដោយគ្មានបានសុំសិទ្ធិអនុញ្ញាត កញ្ញាមាន សូនីតា ក៏មិនបានធ្វើការបកស្រាយអ្វីឡើយលើរូបភាពទាំងនោះ។
តារាស្រីស្រស់ធ្មេញចំពើស រាងខ្ពស់ស្រឡះ ដែលជាម្ចាស់ហាងលក់វត្ថុអនុស្សាវរីយ៍ច្នៃពីក្រមា កញ្ញា មាន សូនីតា ក៏មិនបានសម្តែងការខ្វាយខ្វល់ និងបកស្រាយអ្វីនោះឡើយ ខណៈភ្នំពេញប៉ុស្តិ៍បានទំនាក់ទំនងសួរនាំតាមទូរស័ព្ទ។ ខណៈកញ្ញា មាន សូនីតា ឆ្លើយតបហាក់ដូចជាបានដឹងរឿងបែកធ្លាយរូបនោះបាត់ទៅហើយថា៖ «ចំពោះរឿងនោះ ខ្ញុំដូចជាមិនចាំបាច់អ្វីត្រូវនិយាយបកស្រាយអ្វីឡើយព្រោះថា នោះគ្រាន់តែជារឿងផ្ទាល់ខ្លួនខ្ញុំទៅហាត់ប្រាណប៉ុណ្ណោះ។ សុំទោសផងបង ខ្ញុំត្រូវចូល ប្រជុំហើយ!»។
មុននេះបន្តិចតារាសម្តែងស្រីដែលមានតម្លៃខ្លួនជួរមុខកញ្ញា មាន សូនីតា ក៏ទើបតែបានបង្ហោះសារក្នុងហ្វេសប៊ុកផ្ទាល់ខ្លួនដែរថា៖ «សូមជម្រាបដល់ម្ចាស់នៃផលិតផលមួយ ចំនួនឲ្យបានជ្រាបថា បើបងៗមានលុយដល់យកប្រ៊េនដ៍ចូលក្នុងស្រុកហើយ សុំមេត្តាបងយល់ដឹងពីកម្មសិទ្ធិបញ្ញា និងការយក រូបគេទៅប្រើប្រាស់ដោយគ្មានការអនុញ្ញាត អ៊ីចឹង ចង់សួរបងៗថាតើយកអីមកគិតរាល់ថ្ងៃ!»។
កញ្ញា មាន សូនីតា ក៏សម្តែងការហួសចិត្តថា៖ «ខំធ្វើការសន្សំលុយ ដើម្បីទិញយកមកប្រើព្រោះតែស្រឡាញ់ប្រ៊េនដ៍ហ្នឹង ពេលទៅដើរលេងអីឲ្យវាស្រួល។ តែអត់យល់ពី Copyright គ្មានការសុំអនុញ្ញាត ក៏គិតដូច Sponsor អ៊ីចឹង»៕
