ក្រុងប៉ារីស: ខណៈសង្គ្រាមបង្ហូរឈាមនៅស៊ីរីកំពុងតែពុះកញ្ជ្រោល ក្នុងសម្ពាយសិស្សសាលានៅកេនយ៉ា មិនថា វាជាការប្រយុទ្ធប្រឆាំងជំងឺដ៏គ្រោះថ្នាក់ ឬការសិក្សាពីព្រៃឈើ ស្មាតហ្វូនបានក្លាយជាសម្ភារនិយមនៅគ្រប់ទិសទី។
ឆ្នាំនេះ ចំនួនអ្នកប្រើប្រាស់ទូរស័ព្ទទំនងជាអាចហក់ដល់ជាង ៣ ពាន់លាននាក់ ហើយជាងថតរូប AFP បានគូសបញ្ជាក់ពីកំណើនប្រជាប្រិយភាពទូរស័ព្ទនៅទូទាំងពិភពលោកសម្រាប់អ្នកដែលរស់នៅដោយគ្មានទូរស័ព្ទ។
លោក ម៉ូរីស អាតវីន អាយុ ២៥ ឆ្នាំ ជាសហគ្រិនអ៊ូហ្គង់ដា បានជួយអភិវឌ្ឍកម្មវិធីទូរស័ព្ទជំនួយដល់ការវិភាគរោគគ្រុនចាញ់ ជាមច្ចុរាជនៅពាសពេញសកលលោកដោយមិនចាំបាច់ប្រើឈាមវិភាគ និងបង្ហាញលទ្ធផលឃើញភ្លាមៗតែម្ដង។
កញ្ញា គាវ ស៊ី អាយុ ២១ ឆ្នាំ ចាត់ទុកទូរស័ព្ទរបស់នាងជាសង្សារបណ្ដូលចិត្ដ។ អ្នកបង្កើតប្លុកចម្រៀងរូបនេះបានបង្ហោះបន្ដផ្ទាល់នូវក្បាច់រាំ និងជីវិត រស់នៅប្រចាំថ្ងៃរបស់នាងដល់អ្នកគាំទ្រជាង ៦០ ម៉ឺននាក់នៅលើប៉ុស្ដិ៍ Huoshan។
ចាប់ពីរឿងរ៉ាវកំប៉ិកកំប៉ុករហូតដល់បញ្ហាគ្រោះថ្នាក់នានា មូហាមេដ ហាមរ៉ោស ជាសមាជិកក្រុមមួកស ដែលរត់ចូលជួយដល់ជនរងគ្រោះក្នុងការពើបប្រយុទ្ធគ្នានៅស៊ីរី។
ទូរស័ព្ទស្មាតហ្វូនលោក មូហាមេដ ហាមរ៉ោស បានជួយក្រុមស្ម័គ្រចិត្ដតាមដានពីការវាយប្រហារ ចុះដល់ទីតាំងត្រូវការសេវាសង្គ្រោះនិងអនុញ្ញាតឲ្យភរិយាដែលមានក្ដីបារម្ភដឹងពីសុខទុក្ខរបស់ខ្លួន។
កៀកប៉ូលខាងជើងឯណោះវិញ កញ្ញា អ៊ីនណា សាល់មីនេន ធ្វើការក្នុងបរិស្ថានសុខស្រួល ដោយការសិក្សាពីព្រៃឈើក្នុងទឹកដីប្រទេសហ្វាំងឡង់ តែនាងបានដឹងថា ទូរស័ព្ទអាចជាឧបករណ៍សង្គ្រោះជីវិត បើនាងវង្វេងក្នុងតំបន់ដាច់ស្រយាល។
អ្នកជំនាញផ្នែកអភិរក្ស វ័យ ២៧ ឆ្នាំ និយាយក្នុងនាមជាមនុស្សជំនាន់ថ្មី ពេលនាងមើលឃើញពីជីវិតដ៏ស្រពេចស្រពិលមុនពេលមានទូរស័ព្ទស្មាតហ្វូន។ អាយុ ១៣ ឆ្នាំ អ៊ីម៉េលដា ម៉ុមប៊ី អត់មានអនុស្សាវរីយ៍ជូរចង់អ្វីទាំងអស់។ កុមារីកេនយ៉ារូបនេះ បានប្រើទូរស័ព្ទសម្រាប់ការកម្សាន្ដសប្បាយ តែក៏ជួយលើកិច្ចការសិក្សាផងដែរ។
អ៊ីម៉េលដា ប្រាប់ពីកម្មវិធីអប់រំទូរស័ព្ទ Eneza ដែលមានអ្នកប្រើប្រាស់ ៣ លាននាក់ជុំវិញពិភពលោក ដោយបង្កើនឱកាសនាងចាកចេញផុតពីអណ្ដូងនៃអាហ្រ្វិកទៅកាន់បណ្ដាញពិភពលោក ដែលអត់មានអ្វីសោះកាលពីប៉ុន្មានឆ្នាំមុន៕