.jpg)
លោកស្រី អូបាម៉ា ជឿថា ការស្លាប់លោក ប៊ូស ជាប្រផ្នូលមិនល្អ។ AFP
ក្រុងវ៉ាស៊ីនតោន: អតីតលោកស្រីទី ១ អាមេរិក មីឆែល អូបាម៉ា បានលុបចោលការកក់សំបុត្រដំណើរកម្សាន្ដទៅកាន់ក្រុងប៉ារីស និងប៊ែរឡាំង ដើម្បីចូលរួមបុណ្យសពអតីតប្រធានាធិបតីអាមេរិក George H.W. Bush ដែលបានស្លាប់កាលពីថ្ងៃសុក្រ ក្នុងអាយុ ៩៤ ឆ្នាំ។
លោកស្រី បានសរសេរថា៖ «វាពិតជាសំខាន់ចំពោះខ្ញុំដែលត្រូវចូលរួមរំលែកទុក្ខគ្រួសារលោក Bush។ វាជាប្រផ្នូលអាក្រក់ចំពោះដំណើររបស់ខ្ញុំទៅកាន់ក្រុងប៉ារីស និងប៊ែរឡាំង។ ខ្ញុំនឹងគ្រោងដំណើរនៅឆ្នាំក្រោយ»។
ក្នុងសារទី២ លោកស្រី បានបន្ដថា លោកស្រីសង្ឃឹមថា អ្នកអានសៀវភៅរបស់លោកស្រី អ្នកកាន់សំបុត្រនឹងយោគយល់ចំពោះការសម្រេចចិត្ដនេះ និងចូលរួមជាមួយលោកស្រីក្នុងការរំលែកទុក្ខក្រុមគ្រួសារសព និងការបូជាកម្លាំងកាយចិត្ដរបស់លោកក្នុងពិភពលោកនេះ។
ដោយចេញផ្សាយនៅថ្ងៃទី ១៣ ខែវិច្ឆិកា សៀវភៅលោកស្រី អូបាម៉ា «Becoming» បានលក់ដាច់ជាង ២ លានក្បាលនៅអាមេរិកខាងជើងក្នុងរយៈពេល ១៥ ថ្ងៃដំបូង ហើយវាក៏បានបោះពុម្ពផ្សាយ ៣១ ភាសា។
ស្ដ្រីកូន២ វ័យ ៥៤ ឆ្នាំ ជាលោកស្រីទី ១ ដែលជាកូនកាត់អាហ្រ្វិកអាមេរិកដំបូង និងជាភរិយារបស់ប្រធានាធិបតីអាមេរិកស្បែកខ្មៅដំបូង មានឈ្មោះល្បីល្បាញទាំងថ្នាក់ជាតិ និងអន្ដរជាតិពីស្នាមញញឹមប្រកបដោយក្ដីស្រឡាញ់ ចំណេះដឹង និងសកម្មភាពដើម្បីស្ដ្រី។
នៅក្នុងសៀវភៅ លោកស្រី បានរំឭកពី លោក ដូណាល់ ត្រាំ ដែលបានចោទសួរពីសញ្ជាតិអាមេរិករបស់ស្វាមីលោកស្រី។ លោកស្រី ក៏បានជីកកកាយរឿងរ៉ាវផ្ទាល់ខ្លួន ដូចជាការរលូតកូន និងការប្រើវិធីបង្កកំណើតក្រៅស្បូនដើម្បីពពោះកូនស្រីទាំង ២ នាក់ ដែលសព្វថ្ងៃចម្រើនវ័យ ១៧ និង ២០ ឆ្នាំ៕
