.jpg)
ស្រាសំប៉ាញបញ្ចេញពពុះដល់គែមកែវ នៅពេលដែលលើកជល់។ រូបថត AFP
ក្រុងប្រេស៊ីលីយ៉ា៖ កម្មករ ៤ នាក់ ក្នុងល្អាងស្រាបាននាំគ្នាត្រឡប់ដបស្រារាប់រយដប ដើម្បីឲ្យវាឆាប់ងំល្អ។
តើវាជាទឹកដីស្រាសំប៉ាញបារាំងមែនទេ? ចម្លើយគឺទេ! ល្អាងស្រានេះស្ថិតនៅប្រេស៊ីល ជាប្រទេសល្បីឆ្នេរ ខ្សាច់ និងស្រាក្រឡុក caipirinha។
លោក កាឡូស អាបាហ៊្សួ ជាអ្នកជំនាញបានថ្លែងថា៖ «ក្នុងតំបន់ Serra Gaucha យើងមានវិធានការសម្រួលបញ្ហាការប្រែប្រួលអាកាសធាតុដោយការផលិតសំប៉ាញ»។
លោក អាបាហ៊្សួ ធ្វើការនៅក្រុមហ៊ុនស្រា Familia Geisse ក្រុង Pinto Bandeira ក្នុងរដ្ឋ Rio Grande do Sul ក្បែរព្រំដែនភាគខាងត្បូងជាមួយអាហ្សង់ទីន និងអ៊ុយរ៉ាហ្គាយ។
ពេលលោកបើកដបស្រា Extra Brut និងចាក់ចូលកែវជើងវែង ពពុះតូចៗបានផុសឡើងដល់គែមកែវខាងលើ។ នេះជាស្រាសំប៉ាញមកពីប្រេស៊ីល? វាក៏មិនមែនជាលើកទី១ ទេ ដែលត្រូវបានអ្នកនិយមស្រានឹកឃើញជាលើកដំបូង។
ប្រេស៊ីលអំណោយផលដល់ដំណាំទំពាំងបាយជូរផលិតសំប៉ាញ។ រូបថត AFP
ប្រទេសនេះល្បីចំពោះគ្រឿងស្រវឹងផលិតពីអំពៅ cachaca ដាក់ក្នុងស្រាក្រឡុក caipirinha និងឧស្សាហកម្មស្រាខ្នាតយក្សរបស់ប្រទេសនេះ។
ផលិតផលស្រាប្រទេសប្រេស៊ីល នៅតិចតួចជាងប្រទេស អាហ្សង់ទីន និងស៊ីលី តែតំបន់ភាគខាងត្បូងប្រទេស ប្រេស៊ីល សម្បូរផលិតផលទំពាំងបាយជូរដែលអំណោយផលចំពោះអាកាសធាតុត្រជាក់ និងការដាំដុះដំណាំនេះ។
លោក Jorge Tonietto អ្នកជំនាញស្រាមកពីស្ថាប័នសហប្រតិបត្ដិការស្រាវជ្រាវកសិកម្មប្រេស៊ីល បានឯកភាពថា កិច្ចព្រមព្រៀង EU Mercosur នេះនឹងលំបាកចំពោះក្រុមអ្នកផលិតស្រានៅប្រេស៊ីល ដែលបានពុះពារលើតម្លៃផលិតផលខ្ពស់ ពន្ធថ្លៃ និងសកម្មភាពផលិតដ៏មានដែនកំណត់។
ប៉ុន្ដែលោក Tonietto បាននិយាយពីសុទិដិ្ឋនិយមថា៖ «បើយើងផលិតស្រាល្អ យើងនឹងមានឈ្មោះល្បី។ ប្រេស៊ីល គឺជាទីផ្សារអំណោយផលដល់ការដាំដុះដំណាំ។ យើងមានអតិថិជន ហើយយើងមិនចាំបាច់នាំចេញនោះទេ។ ការលក់ដូរក្នុងស្រុកពិតជាមានគុណប្រយោជន៍ ហើយយើងអាចបង្កើតទេសចរណ៍ស្រាផងដែរ»៕ AFP/HR
