.jpg)
នាយកវិទ្យាស្ថានស្រាវជ្រាវការប្រែប្រួលអាកាសធាតុ Potsdam។ រូបថត AFP
ក្រុងស្ដុកខូលម៍៖ ក្រុមអ្នករៀបចំបាននិយាយកាលពីថ្ងៃព្រហស្បតិ៍ថា ស៊ុយអែតបានបង្កើតកម្មវិធីផ្ដល់ប្រាក់ ១ លានដុល្លារ ចំនួន ២ រង្វាន់សម្រាប់ជាដំណោះស្រាយចិញ្ចឹមមនុស្សរាប់ពាន់លាននាក់ ខណៈការប្រែប្រួលអាកាសធាតុបានគំរាមកំហែងលើការផ្គត់ផ្គង់ស្បៀងអាហារពិភពលោក និងកំណើនប្រជាជនដែលតម្រូវឲ្យមានចីរភាពប្រព័ន្ធស្បៀងអាហារ។
លោក ចូហាន រ៉ុកស្ដ្រូម នាយកវិទ្យាស្ថានស្រាវជ្រាវការប្រែប្រួលអាកាសធាតុ Potsdam ប្រទេស អាល្លឺម៉ង់ ដែលនឹងធ្វើសហអធិបតីគណៈកម្មការប្រកួតប្រជែងបានឲ្យដឹងក្នុងសេចក្ដីថ្លែងការណ៍ថា៖ «យើងត្រូវការឲ្យមានដំណោះស្រាយផ្នែកប្រព័ន្ធស្បៀងអាហារ បើយើងមិនចង់ឲ្យផែនដីនេះរង្គោះរង្គើ។ ពានរង្វាន់ស្បៀងផែនដីថ្មីត្រូវបានបង្កើតឡើង ដើម្បីចូលរួមចំណែកសម្រេចគោលដៅនេះ»។
របាយការណ៍ពី Curt Bergfors Foundation បានឲ្យដឹងថា៖ «ពានរង្វាន់ស្បៀងផែនដី ២ នឹងប្រគល់ឲ្យប្រចាំឆ្នាំ ដោយរង្វាន់ ១ ផ្ដោតលើដំណោះស្រាយស្បៀងអាហារចីរភាពដែលមានស្រាប់»។
លោក លីន ហ្គូដុន ប្រធានមជ្ឈមណ្ឌល Stockholm Resilience Centre នៅសាកលវិទ្យាល័យស្ដុកខុម និងជាសហគណៈកម្មការជាមួយ រ៉ុកស្ដ្រូម បានបន្ដថា៖ «វាអាចផ្គត់ផ្គង់មនុស្ស ១០ ពាន់លាននាក់ លើរបបអាហារប្រកបដោយសុខភាព ខណៈវាក៏ត្រូវមានការគិតគូរដល់ជីវគោលផងដែរ។ យើងចង់ឲ្យពានរង្វាន់ស្បៀងផែនដី ២ ទទួលស្គាល់ដំណោះស្រាយសំខាន់បំផុតដែលមានប្រសិទ្ធភាពយ៉ាងឆាប់រហ័ស»។
យោងតាមអង្គការ Curt Bergfors Foundation បានឲ្យដឹងថា ពានរង្វាន់ទី ១ ដែលជាប្រាក់ ១ លានដុល្លារនេះ នឹងត្រូវបានប្រគល់ «នៅចុងឆ្នាំ ២០២០»៕ AFP/HR
