ក្រុងប៉េកាំង: ស្ដ្រីម្នាក់ដែលធ្វើដំណើរពីទីក្រុង ដុងហ្គ័ន ភាគខាងត្បូងប្រទេស ចិន បានបង្កការភ្ញាក់ផ្អើលពាសពេញពិភពលោក ក្រោយពីបានឡើងម៉ាស៊ីន X-ray នៅស្ថានីយរថភ្លើងតាមអីវ៉ាន់របស់ខ្លួន ដើម្បីប្រាកដថា គ្មាននរណាអាចលួចអីវ៉ាន់នោះ។
ជាអ្នកដំណើរម្នាក់ក្នុងចំណោមរាប់រយលាននាក់ទៅស្រុកកំណើតចូលចិត្ដពិធីបុណ្យចូលឆ្នាំថ្មី ស្ដ្រីឥតស្គាល់អត្ដសញ្ញាណ មានប្រាក់ច្រើនសន្ធឹកក្នុងកាបូប ដូច្នេះ ពេលបុគ្គលិកនៅស្ថានីយរថភ្លើងភាគខាងកើតដុងហ្គ័ន បានប្រាប់អ្នកស្រីថា អ្នកស្រីត្រូវចូលក្នុងម៉ាស៊ីនស្គេន X-ray តាមអីវ៉ាន់។
អ្នកស្រីដាក់សម្ភារទាំង ៤ កញ្ចប់ និងឡើងជិះលើម៉ាស៊ីនស្គេន ដើម្បីឲ្យប្រាកដថា វាមិនត្រូវបានគេលួច។
វីដេអូ Pear ខ្លីបានល្បីពេញពិភពលោកបណ្ដាញសង្គម ដោយបង្ហាញពីស្ដ្រីនិយាយជាមួយបុគ្គលិកសន្ដិសុខ រួចដើរសំដៅចូលទៅកាន់ម៉ាស៊ីនស្គេន។ បន្ទាប់មក ស្ដ្រីរូបនោះបានចេញពីកម្រាលយន្ដ រួចប្រមែប្រមូលអីវ៉ាន់ និងរត់សំដៅទីកាន់ស្ថានីយរថភ្លើង។
ប៉ុន្ដែរូបភាព x-ray ដែលបណ្ដាញផ្សព្វផ្សាយចិនទទួលបាន បង្ហាញពីមនុស្សម្នាក់ពាក់ស្បែកជើងកែងចោតលុតជង្គង់ពីក្រោយអីវ៉ាន់របស់អ្នកស្រី។
ដោយបានដឹងពីឧប្បត្ដិហេតុមិនប្រក្រតីនេះ បុគ្គលិកស្ថានីយរថភ្លើងដុងហ្គ័ន បានណែនាំដល់អ្នកដំណើរកុំយកតម្រាប់តាមស្ដ្រីរូបនេះ ដោយសារការស្គេននេះអាចប៉ះពាល់ដល់សុខភាព។
អត្ថបទមួយរបស់កាសែត People’s Daily បានឲ្យដឹងថា៖ «អ្នកដំណើរត្រូវបានព្រមានថា នេះមិនត្រឹមតែជាទង្វើហាមឃាត់ប៉ុណ្ណោះទេ ប៉ុន្ដែជាតិវិទ្យុសកម្មពីម៉ាស៊ីនអាចប៉ះពាល់ដល់សុខភាពមនុស្សថែមទៀត»៕ HR
ប្រភព Odditycentral