.jpg)
ក្រុងមូស្គូ: កាន់តែប្លែក! នារីម្នាក់ត្រូវបានថតសកម្មភាពព្យាយាមសម្ងួតខោទ្រនាប់ទទឹកលើយន្ដហោះ។
យោងតាម China Press វីដេអូឃ្លីបក្ដៅៗដែលបង្កការភ្ញាក់ផ្អើលពេញពិភពអនឡាញ បានបង្ហាញពីនារីម្នាក់លើយន្ដហោះដែលធ្វើដំណើរទៅកាន់ក្រុងមូស្គូ ពីប្រទេស តួកកី។
យ៉ាងណាមិញ អ្វីដែលនាងបានធ្វើពិតជាធ្វើឲ្យអ្នកដំណើរអង្គុយក្បែរនោះស្រឡាំងកាំង ខណៈនាងយកខោទ្រនាប់មកហាលសំដិលនឹងខ្យល់ម៉ាស៊ីនត្រជាក់។
ការសម្ងួតនេះធ្វើឡើងរយៈពេល ២០ នាទី ខណៈអ្នកដំណើរខំបើកភ្នែកមើលទាំងហួសចិត្ដ។ នាងមិនខ្វល់ពីអ្នកជិតខាងថតសកម្មភាពនោះទេ។ នាងថែមទាំងបានត្រឡប់ខោទ្រនាប់ចុះឡើងៗដើម្បីឲ្យប្រាកដថា វាបានស្ងួតទាំងស្រុង។
អ្នកប្រើប្រាស់អុីនធឺណិតខ្លះ ដែលបានឃើញវីដេអូនោះ មានការងឿងឆ្ងល់ពីមូលហេតុនាំឲ្យខោលីអូនាងសើម ខណៈអ្នកខ្លះយល់ថា វាអាចមិនមែនជាខោលីអូទេ តែជាប៊ីគីនី ឬខោក្នុងកូនក្មេងច្រើនជាង។ វានៅតែមិនច្បាស់។
ស្របពេលនេះ អ្នកខ្លះទៀតបានរិះគន់ថាដោយបាននិយាយថា វាពិតជាគ្មានអនាម័យសោះដែលយកខោលីអូមកសម្ងួតនៅមុខម៉ាស៊ីនត្រជាក់យន្ដហោះបែបនេះ ហើយវាពិតជាគួរឲ្យខ្ពើមមែនទែន។
អ្នកខ្លះទៀតបានសរសេរការពារនាង និងបានឲ្យដឹងថា វាអាចជាខោលីអូស្អាត ដែលមិនទាន់បានប្រើនៅឡើយ។ យ៉ាងណា នាងចង់សម្ងួតវាឲ្យហើយមុនពេលទៅដល់គោលដៅ៕ HR
ប្រភព worldofbuzz.com
